SAM 79:4 - Cho Bible Common Language 2016

⁴ Pei ng’len ah changpakhui gui naw na shedam na ne, na gaih m’gin ne, na päipih gui ci gui nei.

SAM 79:4 Referans Kwoze

SAM 80:6

Nang naw kami pei leng ah pakhui gui cu, kami kho ami tuk vai la kami ga gui naw ami na shedam nak gui vai ah na m’shüm gui ci.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

EZEKIEL 36:15

Shin ah khaw naw changpakhui gui ah züih shaa nak, kä ng’ya ba khai, chang gui ah m’lepse nak phi kä hmu ba khai. Cun ah khaw naw changpakhui ah hta nau gui phi kä hmu ba khai. Cun ah khaw naw changpakhui ah hta nau gui phi kä gut tep ba gui khai. Kei, uktu Bawipa naw ka pyen nei.”

EZEKIEL 36:3

“Cun kawn ah ng’cängbang neta, kei, uktu Bawipa naw ka pyen cu ng’shäu ä. Apeileng yung ah om ciah pakhui gui naw tu ne khäm ne, Israel khomhtung gui cu ami gut tep sang ung, ngami ami van naw Israel cu shedam nak ci gui.

EZEKIEL 35:12

Israel khomhtung gui cu shiu ci, cun gui cu nangmi ah guttep nak ah kyak ci, cine khokätä ne nami pyen cu kei, Bawipa naw ka ng’yak ciah nangmi naw nami hmat khai.

NG’ÄI KYAH 5:1

O Bawipa, na shüm gui ä, a i nei keimi ah khan ah agawk law. Na teng gui ne, kami thui ng’a nak na hmu gui ä.

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 25:18

Jerusalem la Judah gawnu gui avan, ami ghangpughang gui la ami ng’vai gi awn atäng ah shin ungka awk sak gui vai, cun ung ngami cu teng ci gui naw ami kyihkyawk cäicat vai ah khonggau ah kyak khai gui. Cun ah kyasei chang gui naw ngami ah ming cu plah taam ah pyen ci gui — cun gui cu atuta phi kya tu lä ci.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

SAM 89:41

Cun pah ciah chang phung naw a khawh cu m’guuk pek ci gui; a im ng’phei van naw gaih tuk ci gui.

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

1 GHANGPUGHANG GUI 9:7

Kei naw ka chang Israel gui cu kei naw ka pek gui ah khaw ungka kak plon gui khai. Kei ami na khawihnah nak vai ah kei naw ka k’bäi pyi ah shin ah Taigüim cun phi kei naw ka nawng khai. Khaw nü ung chang gui naw Israel cu gaih tu u ne päipih khai gui.

THULÄÄN NAK 28:37

Bawipa naw anik püi nak gui ah khaw ung nangmi ah khan ah gawk lawk ci gui ah phäh ah chang gui shemshai khai gui. Ngami naw ning gaih tu gui khai gui. Ning m’lepse khai gui.

NEHEMIAH 1:3

Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.

NG’ÄI KYAH 1:11

Ani ah chang gui cu ami ei vai shui ne ng’hlo ng’ei ci gui. Ngami naw ami m’küm khawh gui cu ami hnun ami m’ghin nak vai ah ei awn m’thawng ci gui. Bawipa na teng ä, ka m’lung ah natnak cu na hmuh pe ä, “ci ne mang gaw gui cu kyap ci gui.

EZEKIEL 22:5

Ng’thukhänkaa ah nami kyak ah phäh ah ang et ah khopäng gui la ak sho nak ah khopäng gui naw ning päipih gui ci gui.

ZEPHANIAH 3:18

Näng nak pawi ung chang gui ami yei ah mäih ah kyak khai.” Bawipa naw, “Khaw ang ziin nak ka ng’pyi sak ci, Nami thüisei nak ng’pyi pyi ci nei.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”