SAM 79:1 - Cho Bible Common Language 2016

¹ O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

SAM 79:1 Referans Kwoze

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

SAM 78:71

Israel ghangpughang ah hmoh ne, Khanpughi ah chang gui ah htoshäm ah m’düih ci.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

PHYAWN NAK 15:17

Nang naw akyong ah law püi gui ne na khomhtung ung na geit gui ci. Cu ah hmun cu nang Bawipa naw na im vai ah na ghü ah kyak ci, cun cu na mät naw na cawh ah Taigüim ah kyak ci.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

EZEKIEL 9:7

Khanpughi naw ngami cu pyen na gui ci, “Taigü Im cu lelawi sak vä. Akyong cu gook awn be sak vä htet lün ne bi vä.” Cun ah kyasei ngami naw tün ne mang gaw kyong ah Chang gui cu ngawn ci gui.

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

ISAIAH 63:18

Keimi, nang ah thingcim ciah chang gui cu, a shäng hta ung kami ga gui naw na k’täm gui ci gui nei: Nang ah pum lm phi ngami naw kai nak ci gui nei —

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.