SAM 78:8 - Cho Bible Common Language 2016

⁸ Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

SAM 78:8 Referans Kwoze

SAM 78:37

Ngami cu ani ah khan ah kä chang m’sui ci gui, ani awn ami shaitak ung kä bekhüt ci gui.

PHYAWN NAK 32:9

Shin ah chang gui a i hlawk ah ami m’lung aling cu kei naw ka hmat ci nei.

EZEKIEL 20:18

Cun nak vai sü ung, kei naw ami ng’lung ah chang nong gui cu ka m’cäi gui ci: Nami pupa gui ah pyan ah thukhän gui kä nami k’pan vai; ami thungyo gui kä nami läk vai, ami agup gui awn nami mät kä nami lelawi sak vai.

2 GHANGPUGHANG GUI 17:14

Cun ung phi ngami naw kä ngai ci gui; ngami cu ami Khanpughi Bawipa kä ngaih u ci gui ah ami pupa gui ah mäih ah ami m’lung ling ci nei.

THULÄÄN NAK 31:27

Ngami a i hlawk ah linglai ne küknet ci gui ah kei naw ka hmat gui ci. Ngami naw kei ka ghin yah ung Bawipa cu hnu ng’tuk ne küknet püi ci gui, kei ka sih kawn ah ngami naw küknet law pi khai gui.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

EZEKIEL 20:8

Cun ung phi ngami naw nak chüm u ne, ami na ngaih vai ah mak ci gui. Ngami naw shemshai ciah ami gup gui cu kä ghawt ci gui, Egypt khanpughi gui cu kä chah ci gui. Ngami naw aca Egypt ah ka m’lung she nak akbe ah ka gah sak gui ge khai ah ka kyak ci nei.

2 SHONTÄP NAK 30:7

Ami Khanpughi, Bawipa ung kä bekhüt ciah nami pupa gui la nami Israel chang paw gui ah mäih ah kä nami kyak vai. Nami hmuh ah mäih ah ngami cu ani naw aknui ah m’kyuk gui ci.

THULÄÄN NAK 9:24

Kei naw ka ning hmat gui ge ung Bawipa cu nami hnungtuk püi ci.

THULÄÄN NAK 9:13

“Bawipa naw na pyen ah ba ci, shin ah chang gui a i hawkcha ami linglai cu kei naw ka hmat ci nei.

PHYAWN NAK 33:5

Moses naw chang gui am’thein gui vai ah Bawipa ah thumkhän cu, “Nangmi cu m’lung liing chang ah nami kyak ci. Kei cu nangmi awn a täng ah a shäng hta ka hteh ung phi, ka ning m’di gui yawp khai kyak ci. Tuhbäi nami ghui lung gui cu suut vä, cun kawn ah nangmi ah khan ah a i ka bi vai cu kei naw ka k’bäi khai” cik ci.

PHYAWN NAK 33:3

Nangmi cu bämang ne ng’lei nik ciah khaw ung nami hteit khai. Cun ung phi kei ka mät cu nang mi awn kä ka hteit tuk khai. Nangmi cu nami m’lung liing aih ci, kei naw lam ah ka ning m’di gui hning ci” cik ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.

SAM 106:7

Egypt kho ah om tuk ciah kami pupa gui naw, cäcat vai ah Khanpughi ah bi gui cu kä hmat ci gui; Ani naw am hni nak akda vei am dang gui cu m’hnih yawp ci gui, Tuisen tuinu pei ah am gäipi cu hnu ng’tuk püi ci gui.

SAM 68:6

A om nak kä om ci gui-am im pe gui ne, Thawng kium ci gui-am päng ze nak lam shüm gui ci. Cun ung phi hnu ng’tuk püi ci gui cu kho kei ah om khai gui.

JOB 11:13

Joba, na m’lung ngaih düng sak ne Khanpughi ah hteit ä.

2 SHONTÄP NAK 30:19

“O Bawipa kami pupa gui ah Khanpughi, kä a mitheing thap ung phi ami m’lung kyong avan awn ning khawihnah ci gui ah khan ah na ni nak awn m’geinsei gui ä.”

2 SHONTÄP NAK 20:33

Cun ung phi khoshe khawihnah nak ah hmun gui cu kä m’di ci. Chang gui cu ami pupa gui ah Khanpughi khawihnah vai ah ami lung avan awn kä ng’hlat law ba phak ci gui.

2 SHONTÄP NAK 19:3

Cun ung phi nang ung nani nak api om ci. Chang gui naw ami khawihnah ah khanpughinu Asherah a gup gui avan cu nang naw na k’heeng ci, Khanpughi ah angyak hlü ah läk vai ah na k’tha nak ci” ciah pyen nak ci.

2 SHONTÄP NAK 12:14

Ani naw akshe gui bik ci, a i ah kyasei ci ung ani naw Bawipa ah angyak hlü cu kä shuiyap ci.

THULÄÄN NAK 4:4

Cun ung phi Bawipa nami Khanpughi ung nami bekhüt cicu tuh güt nami ghing ci.

PHYAWN NAK 34:9

Ani naw, “Bawipa, nang naw akcang ah na na yei nak ah a kyak ung, keimi awn a täng ah na hteh vai ah ka ning thäh ci nei. Shin ah chang gui cu m’lung ling ci gui, cung phi kami shet nak la kami katnak cu na m’geinsei gui ä, na mät ah chang ah na dou gui ä” cik ci.

JOSHUA 22:15

Ngami cu Kilead khaw Reuben, Kad la Akyang täng Manaseeh chang gui ah law u neta,

1 SAMUEL 8:8

Kei naw ngami cu Egypt ah ka, ka law püi ba gui ci, ngami cu kei ung ka dawng u ne, a hei khanpughi gui khawihnah ci gui; kei ung angtäi ah ami man ah mäih ah nang ung tuhbäi bik ci gui nei.

SAM 78:40

Ngami naw ani cu bungpuk ah ashäng shäng hnu ng’tuk püi ci gui; akda vei m’thüi ci gui!

SAM 78:56

Cun ung phi ngami naw Bawimang Khanpughi cu hnu ng’tuk püi u ne, ani cu m’nüm ci gui. A ng’thumkhän phi kä läk ci gui,