Biblia Todo Logo
Bib sou entènèt

- Piblisite -




SAM 78:71 - Cho Bible Common Language 2016

71 Israel ghangpughang ah hmoh ne, Khanpughi ah chang gui ah htoshäm ah m’düih ci.

Gade chapit la Kopi




SAM 78:71
19 Referans Kwoze  

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”


Ayanä Saul cu mi ghangpughang ah akiak nak ung phi nang Israel chang gui ah ng’tuk bi nak ung ma na tawn ci, Bawipa na Khanpughi naw nang ung shai atak cu ani ah chang gui lam shüm gui ne, ami uktu ah na kyak vai ah kyak ci.”


Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.


Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.


Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.


Jakob naw, “Na hmat ah mäih ah a hmaw gui cu cümbawng ci gui. Seime gui la ami hta gui phi züt ci gui. Hnüüp ät ge awn gawk vai ah hteh ah khoi ung ngami cu si yawp khai gui nei.


Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.


Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.


‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.


Kami mang gaw cu akdämduh ah kyak ci, Israel khaw ung ak ding gei pi la abekhüt pi k’bäih ah kyak ci. A i ah kyasei cu m’di vai ah na tha nak ang? Bawipa ah a ka cu adi vai na ng’ya hlük ci ma?” cik ci.


David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.


Swiv nou:

Piblisite


Piblisite