SAM 78:7 - Cho Bible Common Language 2016

⁷ Cun ung hta hmaw gui cun phi Khanpughi ung ng’ap ba u ne, ani ah bi cu kä m’hnih khai gui, angtäi sei ang thumkhän cu ngai khai gui.

SAM 78:7 Referans Kwoze

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

THU PHLAAN 14:12

Khanpughi awn ng’thu k’bääi ne, Bawipa Jesuh ung bekhüt ciah Khanpughi ah chang gui cu, acun ah khin ung m’khüt näng nak vai hlü ci nei.

1 JOHAN 5:3

Khanpughi m’hni nak cicu ang thu khän läk nak ah kyak ci. Ang thu khän läk cu mikmi ah phäh ah phuih gih ah kä kyak ci.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

SAM 103:2

Ka mumcha, Bawipa cu m’taam khah ä, a i hlawk ah m’gein nak a om cu kä m’hnih en ä.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

SAM 40:4

Agup täng ah kä ng’hlat ne, kä khanpughi man kä khawihnah ne, Bawipa ung ng’ap ci gui cu yeikyai nak om ci nei.

THULÄÄN NAK 8:11

“Bawipa nami Khanpughi kä nami m’hnih vai ah ng’htei ne nami om vai. Tuhngawi kei naw ka ning pek gui ah ang thumkhän gui cu kä läk ne kä nami om en vai.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

1 KORIN 11:24

Khanpughi m’hlüngtai netah, m’htut cu k’bou ne, “Shin cu nangmi ah hmawk ah kak bou ah ka pumsa ah kyak ci, kei nami na shüm ba nak ah, shikchaa ah nami bi vai nei” cine pyein ci.

SAM 146:5

Yeikyai nak om ciah chang cu, m’htei gui khai ah Jakob ah Khanpughi, Bawipa a Khanpughi ung ng’yung ciah kyak ci.

SAM 105:5

Nangmi, Abraham akchang shäm ah ning shon gui; nangmi, Jakob akchang gü ah ning shon gui. Khanpughi naw cäiaih vai gui a bi cu shüm vä, m’khoi m’cha nak a ning pek gui cu hmat vä,

SAM 62:5

Kei cu Khanpughi bäng ung ka ng’yung ci, Khanpughi bäng ka ngaih u ci.

THULÄÄN NAK 6:12

Egypt khaw ah changshäm ah nami kiakyah ung ning gung gui ciah Bawipa cu kä nami m’hnih vai ah nami ngaih nak vai.

THULÄÄN NAK 6:21

Nami m’thein gui vai cu, keimi cu Egypt ghangpughang ah changshäm ah kami kya te ci, Bawipa naw dämduh ciah a huham awn ana gun gui nei.

THULÄÄN NAK 6:25

Mikmi naw Khanpughi ah a thumkhä nü nü cu bekhüt ne mi läk ah a kyak ung, ani cu mikmi awn yeikyai khai.

SAM 105:45

Cun ah kyasei a chang gui naw ang thumkhän cu ngai u ne, ang thumkhän avan cu ami läk vai ah kyak ci. Haleluyah. Bawipa cu m’taam vä.