SAM 78:5 - Cho Bible Common Language 2016

⁵ Ani naw Israel chang gui am thukhän pe gui ne, Jakob ah hta ng’shon phi thumkhän pe gui ci. Ami hta gui-am ang thumkhän ami m’thei vai ah ani naw mi pupa gui cu m’thein m’kan gui ci.

SAM 78:5 Referans Kwoze

THULÄÄN NAK 6:7

Nami hta nau gui am nami theithang gui vai. Im ah nami om ung phi, a hei ah nami hteh hton ung phi, naming’düm yah ung phi, nami ng’bi yah ung phi shin gui cu nami pyen ba ba vai.

EPHESIAN 6:4

Nupa gui, nami hta hmaw gui cu ami m’lung thüi khai ah kä nami bi en vai. Cun ung phi Khanpughi ah ng’yak hlü ah khritha hläkhäm nak awn nami m’shümthein vai.

SAM 81:5

Egypt kho a tuk yah ung Israel chang gui am ani naw a pek ah kyak ci. Kei naw kä ka hmat ah ng’thu k’aw ka ng’yak cu,

THULÄÄN NAK 4:45

Cun cu Egypt khaw ungka ami law kawn ah Jordan tuinu ak kiangtäng khaw nawi, Bethpeor gawnu ah akga ung ani naw shin ah thukhän gui cu a pek gui ah kyak ci. Cun cu Amorit ghangpughang Sihon ah khäm ah khopäng kyong ah kyak ci. Ani naw Heshbon gawnu ung om ne uk ci. Moses la Israel chang gui naw Egypt ah kaa ami law sang ung ami hniim ah kyak ci.

ISAIAH 38:19

Kei naw tuhbäi ka ning m’tam ah mäih ah ghing ci naw nei ning m’tam ci. Pa gui naw ami hta gui am Nang a hlawk ah nabekhüt cu m’thein ci gui nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

THULÄÄN NAK 11:19

Nami hta nau gui am nami m’theithang gui vai. Im ah nami om yah ung, sang ah nami hteh yah ung, nami ng’chiin yah ung, nami ng’bi yah ung nami m’thei gui vai.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

SAM 147:19

Ani naw ak chang gui am ang thu m’khäh gui ne, Am shüm thein nak la a thukhän cu Israel gui am pe gui ci.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

PHYAWN NAK 40:3

A cun ah kyong ah Thumkhän Gha m’khäh nak ah Thumkhän M’küm cu na tha neta a hmai lam ah yihdung awn na hei shung vai.

PHYAWN NAK 25:21

Lung palap hnih cu m’küm ah khui ah tha neta, a khüm awn akhan ah na yuk küm vai.

SAM 119:152

Cau ä ge ung nang ah m’shüm thein nak cu ka ng’thei ci; Nang naw kä maih hlawt khai ah na pyan ah kyak ci.

PHYAWN NAK 25:16

Cun kawn ah kei naw ka ning pek ah lung palap hnih cu cun ah müm ung na m’tawk vai, cun ung thumkhän gui cu guk ah kyak ci.

PHYAWN NAK 40:20

Cun kawn ah ani naw lung phe hnih la ne, Thumkhän M’küm ah kyong ah ghawn ci. Ani naw M’küm ah hnga ung kawh nak ah htung cu m’thun neta aküp awn yuk küm ci.

PHYAWN NAK 12:27

Nami m’thein gui vai cu, “Shin cu Bawipa m’taam ne sonhnah nak ah phyawn nak pawi ah kyak ci, a i ah kyasei ci ung Bawipa naw Egypt khaw ah Israel gui ah im cu ak phyawn nak gui ah kyak ci. Ani naw Egypt chang gui cu ngawn gui ci, mikmi cu nak phyawn gui ci” cik ci. Israel chang gui naw m’khukdong ne khawihnah ci gui.

THULÄÄN NAK 31:13

Cun ah kyasei Bawipa Khanpughi ah thukhän kä ng’ya man ciah nami hta ng’shon gui naw, cun cu ng’zak khai gui. Cun ah kyasei, nangmi naw Jordan tuinu kat ne, nami khäm law vai ah khaw ung, ngami ami om ah chuih, ani läk vai ah ngami cu ng’thei khai gui.”

THULÄÄN NAK 32:46

a pyen cu, “Tuhngawi kei naw ka ning pek gui ah thumkhän avan nami läk vai cimvai vä. Nami hta nau gui am m’dou ne pe gui vä. Cun ung ngami naw Khanpughi ah m’theithang gui avan cu bekhüt ne läk khai gui nei.