SAM 78:12 - Cho Bible Common Language 2016

¹² Egypt khaw, Zoan hmun ung, ami pupa gui ah ma ah Khanpughi naw cäi aih vai gui cu m’dang te ci nei.

SAM 78:12 Referans Kwoze

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

EZEKIEL 30:14

Kei naw Egypt ah a thum täng cu shiu sak ne, a siiptäng ah Zoan mang gaw cu mei awn ka m’khih khai. Kei naw Thebes mang gaw küi cu ka m’kyuk khai.

ISAIAH 19:11

Zoan mang gaw ah ami ng’vai gui cu ang laam ci gui nei! Egypt gui ah cüivau pikbäih ciah chang naw akshekha pikbäih ah m’shüm thein gui ci nei! Ngami naw, ngami cu cau hmumat chang gui la ghangpughang gui ah ng’shon m’täm ci gui ah pyen ne, ghangpughang am a i ah ami

ISAIAH 19:13

Zoah la Memphis ah ami ng’vai gui cu ang laan ci gui nei. Ngami cu pakhui kmshüm khai gui ah kyak ci, cun ung phi ngami naw km hma a gui nei.

SAM 135:9

A cun ah kho ah ghangpughang la abawi gui m’kyuk nak vai ah cäi aih vai la cäicat gui vai cu ani naw m’dang ci.

PHYAWN NAK 7:1

Bawipa naw, “Nang cu ghangpughang ah ma ah Khanpughi ah mäih ah ka ning pyang khai, na phäi Aaron cu ani ah ma ah nang ah prophet ah mäih ah ng’thu khai.

SAM 106:22

A cau ah abi gui cu cäicat vai ah kyak ci nei! Tuisen tuinu ah abi gui cu ngaih khit vai ah kyak ci nei!

NEHEMIAH 9:10

Nang naw ghangpughang hnungtuk püi ne cäi aih aih gui vai na bik ci, Abawi gui la a khaw ung chang gui phi na hnungtuk püi gui ci, a i ah kyasei ci ung ngami naw, na chang gui, a i hlawk ah ami yawshe nak cu nang naw na hmat ci. Nang naw na näng nak ah mingthang cu tuhngawi güt nang ung om ci.

THULÄÄN NAK 6:22

Ani naw cäi aih gui vai abi, Egypt chang gui, ami ghangpughang la ami bawi gui, avan ah khan ah kyih vai gui abi cu keimi kami mät naw kami mik awn kami hmuk ci nei.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

JOSHUA 9:9

Ngami naw shin ah m’thein ci gui, “Bawi aw, keimi cu khaw shou nak ah kaa kami lawk ci nei, a i ah kyasei ci ung keimi naw Bawipa nami Khanpughi ah mawng cu kami ng’yak ci. Ani naw Egypt khaw ung abi gui ah mawng nünü kami ng’yak ci.

2 GHANGPUGHANG GUI 17:7

Samaria cu a i ah kyasei angkiak ci ung ngami naw ami Khanpughi Bawipa cu hnungtuk ne katnak ami bi ah hmawk ah kyak ci, ani naw Egypt ghangpughang ah kut ungka gung gui ne, Egypt khaw ungka hteh püi ba gui ci. Ngami naw a hei khanpughi gui khawihnah ci gui.