SAM 78:10 - Cho Bible Common Language 2016

¹⁰ Khanpughi awn shai ami tak cu kä läk ci gui; ang thumkhän phi kä ngai ci gui.

SAM 78:10 Referans Kwoze

THULÄÄN NAK 31:20

Ami pupa gui ung shai ka tak ah mäih ah kei naw ngami cu ng’büh mang ne ang lei nik ciah khaw ung ka hteh püi gui khai. A cu ah ngami naw ami ng’zak hlü ah ei avan gah khai gui, ngami cu kyäp nep sei om khai gui. Cun ung phi ngami cu a hei ah ng’hlat ne a hei khanpughi gui khawihnah khai gui. Ngami naw kei cu na hnu ng’tuk püi u ne, ka thumkhän cu m’shet khai gui.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

PHYAWN NAK 16:28

Cun kawn ah Bawipa naw Moses am, “Nangmi chang gui naw a i güt ka ng’thu nami maa nak khai ang?

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

EZEKIEL 20:21

Cun ung phi htangshon gui naw phi na chüm ci gui. Läk ciah chang gui am ghin nak pe gui ciah ka thukhän gui cu m’shet u ne, ka thumkhän gui cu kä k’pang ci gui. Ngami naw kyiin hnüüp cu a i ah kä ngai ci gui. Kei naw ng’hüüt ciah ka m’lungshe nak cu bung hmu ah pe gui ge ne, ami van ka ngawn gui ge khai ah ka om ci nei.