SAM 77:6 - Cho Bible Common Language 2016

⁶ Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

SAM 77:6 Referans Kwoze

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

SAM 4:4

Ng’hlet ne kyi ne, cheishoh nak ung düm vä; A düm ah ng’zän ne nami ih nak ung, a cun ah mawng cu ak thuuk ah ngai vä.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

NG’ÄI KYAH 3:40

Mi hteh nak ah lam cu mi tümtei neta, Bawipa ah mi ng’hlat ba khai nei.

THUSHÄUTU 1:16

Kei naw ka mät ka pyen nak ci, “Kei cu dämduh ciah chang ah ka kyak pyi ci, ka hnu ung Jerusalem uk ci gui ah ka cüivai pi ci. Cüivai nak la hmuhmat nak akcang cu kei naw ka hmat ci.”

JOB 10:2

Kä na m’kyuk en ä, Khanpughi. Na m’thein ä! A i uktu naw a na ng’tuk püi ang?

JONAH 1:2

Ani naw, “Nineveh mang gaw nu ah hteit ne hnungtuk ne ng’thu na pyen vai nei. Cun ah gaw ung chang gui a i hlawk ah ami shetkat cu kei naw ka hmat ci nei” cik ci.

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

THULÄÄN NAK 32:7

“Ayanä kaa, cau ng’pyi ciah akhin cu ngai ba, A i ah kya man ci ami ning m’thein gui vai ah, nami pa gui ng’shi gui vä.

SAM 143:4

Cun ah kyasei kei cu ka m’lungsi ge ci; kei cu ka m’lung thüi aih ci.

SAM 143:5

Ng’pyi khän ciah hnüüp gui cu ka shüm ba ci; Nang ah bi gui avan cu ka ngaih-tüh ci, Nang ah bi gui avan cu ka ngaih-tüh ci, Nang ah hnün thawh gui avan cu ka m’lung ung ka khäm ci.