SAM 77:12 - Cho Bible Common Language 2016

¹² Na bi pyi gui avan cu ka ngaih-tüh ba khai nei; küikyang ciah na hnün thawh gui cu tüüp ne ka ngai khai nei.

SAM 77:12 Referans Kwoze

SAM 145:11

Ngami naw na bämang nak ah na huham cu pyen u ne, Na m’gäi nak cu ngak khai gui nei.

SAM 71:24

Ak hnüüp pum ung, na düng nak cu ka pyen khai, a i ah kyasei ci ung, kei na hnim hlük ciah chang gui cu shum u ne, thui ng’a ci gui nei.

THULÄÄN NAK 6:7

Nami hta nau gui am nami theithang gui vai. Im ah nami om ung phi, a hei ah nami hteh hton ung phi, naming’düm yah ung phi, nami ng’bi yah ung phi shin gui cu nami pyen ba ba vai.

SAM 145:4

Nang ah na bi phung cu ang shon päng ung m’tam vai nei; chünla ciah na hnün thawh cu ngami naw shäu khai gui nei.

SAM 143:5

Ng’pyi khän ciah hnüüp gui cu ka shüm ba ci; Nang ah bi gui avan cu ka ngaih-tüh ci, Nang ah bi gui avan cu ka ngaih-tüh ci, Nang ah hnün thawh gui avan cu ka m’lung ung ka khäm ci.

SAM 105:2

Bawipa m’taam ne ng’äi vä; cäicat vai a bi gui cu pyen vä.

SAM 104:34

Kei ah ng’äi awn ani cu yeikyai khai, ka yeikyai nak cu ani ung ka lawk ci nei.

THULÄÄN NAK 7:18

Kä nami kyih en gui vai. Bawipa nami Khanpughi naw Egypt ghangpughang ah ak chang gui van ah khan ah abi cu nami shüm ba vai,

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

SAM 105:5

Nangmi, Abraham akchang shäm ah ning shon gui; nangmi, Jakob akchang gü ah ning shon gui. Khanpughi naw cäiaih vai gui a bi cu shüm vä, m’khoi m’cha nak a ning pek gui cu hmat vä,

SAM 119:52

Caupui na m’khoi cha nak cu kei naw ka shüm ci, a cun gui naw na shungvong ci nei, O Bawipa.

ISAIAH 63:11

Cunung phi ngami naw azän nä ka, Bawipa ah changshäm, Moses ah akhin cu shüm law ba neta, ngami naw ng’shik ci gui, “Tuinu ung ka, a chang gui ah ami ng’vai gui hun gui ciah Bawipa cu tuhbäi a hawi ang? A mümcha Moses