SAM 76:6 - Cho Bible Common Language 2016

⁶ O Jakob ah Khanpughi, nang naw na m’cäi gui yah ung, ng’se gui la ng’se ung ng’cum ci gui cu si yawp ci gui nei.

SAM 76:6 Referans Kwoze

PHYAWN NAK 15:1

Moses la Israel gui naw shin ah ng’äi cu Bawipa am m’cu ci gui; Bawipa am ng’äi ka m’cu khai, a i ah kyasei ci ung ani naw bä ciah näng nak gah pyi ci. Ani naw ng’se gui la ng’se ng’cum ci gui cu tuinu ung shum gui ci.

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

EZEKIEL 39:20

Kei ah tawnglang ung ngami naw ami ei hning avan, ng’se gui la ng’cuum ci gui, gakap gui la ng’tuk ciah chang gui cu ei khai gui. Kei, Uktu Bawipa naw ka pyen nei.”

SAM 80:16

Kami ga gui naw mei awn m’khih u ne, tupit ci gui ne; Na m’lungshe nak awn teng ne yuk m’di gui ä!

ZEKHARIAH 12:4

Cun ah khin ung ami ng’se gui avan la ng’cum ci gui avan cu aknui ah ka ang sak gui khai. Cun ung phi Judah chang gui cu ka ngäng gui khai, ami ga gui ah ami ng’se gui ah ami mik ka m’dauh sak gui khai.

NAHUM 3:18

Assirian ghangpughang, na bawi gui cu sik ci gui, na mang gui cu kä tho ba ne ip ci gui, na chang gui cu khomhtung ah püi yawp ci gui, ngami ami im ah law püi ba gui khai a u kä om ci.

NAHUM 2:13

M’gäi ciah Bawipa naw, “Kei cu na na ga nei! Ng’hlee gui cu mei awn ka m’khih khai, na gakap gui ng’tuk nak ung ngawn gui yawp khai gui, chang ah kaa nami lak gui avan la ne ka ghawt yawp khai. Nangmi ung ng’shä gui ah k’thäh cu a u naw kä ng’ya ba khai nei.”

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 51:39

Ngami cu ei aw hlü aih u ne ang? Kei naw ngami ah phäh ah ei pawi pyang pe gui ne, awk sak gui ne ka yei sak gui khai. Ngami cu ip u ne kä ng’shüm law bap hung khai gui.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

SAM 104:7

Nang naw tui gui cu na k’täm ung ngami cu dawng ci gui; Nang ah ng’hawh cu ami ng’yak ung ngami ng’güüt ne dawng ci gui.

SAM 18:15

Bawipa, na gaa gui cu hawh gui ne, m’lungshe ne na m’ngawn gui ung tuinu ah ka ng’lei cu dang ne, m’dek ah khan cu ng’hmawng ci.

2 SAMUEL 10:18

Israel gui naw Sirian gakap gui cu k’täm ba ci gui. David la a chang gui naw Sirian yatha mawngtu phia chih la ng’se cu gakap phia phia phli-kip ngawn ci gui, ami ga gui ah gabawi Shobach phi k’phleim ci gui, ani cu ng’tuk nak ung sik ci.

1 SAMUEL 26:12

David naw Saul ah lu kung ung ka ak htei la a tui um cu la khäta ani la Abishai cu hteit ba ci goi. A i i ah kyak cicu a u naw kä hmuk ci, a u phi kä ng’shüm lawk ci, ngami ami van cu hnai ne ip ci gui, a i ah kyasei ci ung Bawipa naw a mi van ah khan ah ak nep ah ih nak cu a yuk tüih law ah kyak ci.

PHYAWN NAK 15:10

Bawipa, nang naw hnü ät na muh awn Egypt gui cu tui naw m’sih gui ci. Kyihshek ciah tui ung lung ah mäih ah hnim ci gui.

2 GHANGPUGHANG GUI 19:35

A cu mü Bawipa ah khanchang cu Assirian phung ah hteit ne Assirian gakap 185, 000 cu ngawn gui ci. A ngawi khaw thaih ung a cun ung ami van si ne ng’yän ci gui!

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.