SAM 76:5 - Cho Bible Common Language 2016

⁵ M’gäi ciah ga kap gui ami van naw ami kawh chah yawp u ne, sih thagui la ami m’khüt nak avan cu a kholä ah kyak ci nei.

SAM 76:5 Referans Kwoze

NAHUM 3:18

Assirian ghangpughang, na bawi gui cu sik ci gui, na mang gui cu kä tho ba ne ip ci gui, na chang gui cu khomhtung ah püi yawp ci gui, ngami ami im ah law püi ba gui khai a u kä om ci.

SAM 13:3

O Bawipa ka Khanpughi, na teng ä, na m’shang ä. Ka tha gui na be ba sak ä, kä na sih en sak ä.

JEREMIAH 51:39

Ngami cu ei aw hlü aih u ne ang? Kei naw ngami ah phäh ah ei pawi pyang pe gui ne, awk sak gui ne ka yei sak gui khai. Ngami cu ip u ne kä ng’shüm law bap hung khai gui.

ISAIAH 46:12

“Näng nak vai cu shou aih ciah ngai ci nei, lingkeng ciah chang gui, na ngai vä.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 31:8

Assiria cu ng’tuk nak ung di khai nei, cun ung phi cun cu chang ah huham awn ah kä kyak ci. Assirian gui cu ng’tuk nak ung dawng khai gui, ami changnong gui cu changshäm ah kyak sak khai gui.