SAM 74:3 - Cho Bible Common Language 2016

³ A bäät ah shek ci gui cu m’khan shi gui ne hteit ä; kami ga gui naw Taigüim ung om ci phung avan m’di ci gui nei.

SAM 74:3 Referans Kwoze

DANIEL 9:17

O, Khanpughi, ka taigü nak la ka ng’coipa nak cu na ngaih peä, Ami m’di te ah na Taigüim cu m’tho ba ä; Cun na m’thawh ba ung chang nü naw nang cu Khanpughi ah na kyak ciah hmat khai gui nei.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

SAM 79:1

O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

MAKUH 11:17

Cun kawn ah Bawipa Jesuh naw, “Cacim ung Khanpughi naw, ‘Kei ah pum im cu kho nüng ung, chang päng ah taigü nak ah mang im ah sui vai’ ciah om ci. Cun ung phi nangmi naw m’guk ei ah ng’thuh nak ah im ah nami pyang pyi ci nei” cine chang gui cu m’cäi ne m’thein gui ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

MIKHAH 1:3

Bawipa cu a hmun theing ungka naw lawk ci nei; Ani cu law ne khomhtung lai gui ung hteit hton khai nei.

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

ISAIAH 61:4

Ngami naw ak shou didam lawk ciah mang gaw gui cu co ba khai gui.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

SAM 44:26

Kyum law ne na m’htei gui ä! Ng’täi ciah na m’hni nak awn na hun gui ä!

SAM 44:23

Ng’shüm law ä, Bawipa! A i ah kyasei na ih ang? Tho law ä! Keimi cu kä na hnu en na gui lä ä.

NEHEMIAH 2:13

Mang gaw ungka kami luh law yah ung khaw hmüp sang ci, akhei täng khaw ng’nawi m’kawt ungka naw, a htum täng k’phyunu tuilawng ungka naw ng’awt m’kawt ung kami hteit ci. Cun ah hteit neta ng’phyek ciah mang gaw k’paang gui, mei ah uih ah m’kawt gui cu kei naw ka teng ci.

NEHEMIAH 2:3

Ka m’shan cu, “Ka bawimang aw, khaw ng’län ung ghing ä! Kei naw ka hmai kä m’kyum ne a i hawkcha ka on hlawt khai aw? Ka pupa gui ah ng’phuh nak ah mang gaw cu she ne di ci, m’kawt gui phi mei naw ui ne m’di ci nei.

NEHEMIAH 1:3

Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

JOSHUA 10:24

Joshua ah ma ah law püi ci gui. Joshua naw Israel chang avan a pei ah khü gui neta, ani awn a täng ah hteh vai lawk ciah bawi gui cu, thukbäi gui sei, ghangpughang gui ah ami hnügawn khan ah ami khaw awn ng’leh ci gui. Ngami naw cun ah bik ci gui.

THU PHLAAN 11:2

Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,