SAM 74:2 - Cho Bible Common Language 2016

² Na chang gui shüm ba gui ä, a cau na mät naw na ghü gui ah kyak ci, changshäm ungka na mät ah pakhui ah na law püi ba gui ah kyak ci. Zion m’htung cu shüm ba ä, a cau na om nak te ah kyak ci.

SAM 74:2 Referans Kwoze

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

PHYAWN NAK 15:16

Kyih nak la ng’ä nak naw lin gui ci, Bawipa na thagui cu hmuk ci gui nei, ngami cu kyi ne am gein kaa ah ng’düi ci gui. Changshäm ungka na m’hlawt gui ah na chang gui kä ami ng’khum pha ah chuih.

PHYAWN NAK 15:13

Na shaitak ung na bekhüt ci, na gun ah chang gui cu lam na m’shüm gui ci; na thamah nak awn na khaw theing ah na hteh püi gui ci.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

JEREMIAH 51:19

Jakob ah khanpughi cu ngami ah mäih ah kä kyak ci; ani cu apäng tüipiang ciah tumat ah kyak ci, ani naw Israel gui cu amät ah chang akcang ah ghü gui ci. M’gäi ciah Bawipa cu ani ah ming ah kyak ci.

ISAIAH 63:17

A i ah kyasei na lam ungka naw lam na na plei sak gui ang? A i ah kyasei nang ung ka a hei ah kami ng’hlat khai ah kami m’lung na na liu sak gui aih ang? Nang ah bi bik ci gui na ngaih nak pek gui awn, angtäi sei nang ah chang ah kyak ci gui, na ngaih nak pe gui awn, law ba ä.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

ISAIAH 62:12

Nangmi cu “Khanpughi ah Theigcim ciah chang”, “Bawipa naw a hun ah chang” cine ning khü gui khai gui nei. Jerusalem cu, “Khanpughi naw a m’hni ah mang gaw.” “Khanpughi naw kä a nawng phung ah mang gaw” cine khü khai gui nei.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

SAM 77:15

Jakob la Josef ah hta ng’shon na chang gui cu na huham awn na hun ci.

SAM 68:16

Nami hlüngtai nak awn a i ah kyasei, Khanpughi naw a om nak vai ah a ghü ah m’htung cu nami gheet taap ang? Bawipa cu acun ung angtäi ah om khai nei!

SAM 33:12

Khanpughi, Bawipa nak ciah pakhui cu yeikyai nak om ci; Ak chang ah a ghü ah pakhui cu yeikyai nak om ci!

SAM 9:11

Zion kho ung uk ciah Bawipa am ng’äi m’cu vä! Ani ah bi lawh ah mawng cu pakhui päng-am’thein vä!

THULÄÄN NAK 9:29

Cun kawn ah mä shin gui cu na mät ah hmawk vai ah na ghü gui ah kyak ci nei. Dämduh ciah na huham la nam gäi nak awn Egypt khaw ah ka na law püi ba gui ah kyak ci nei.

THULÄÄN NAK 9:26

Cun kawn ah kei ka taigü ci, uk ciah Bawipa, na mät ah chang gui cu kä m’di gui ä, ngami cu dämduh ciah na thagui la na huham awn gung gui ne, Egypt khaw ah ka na law püi ba gui ah kyak ci nei.

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

SAM 94:14

Bawipa naw a chang gui kä nawng gui khai; Ani ung om ci gui cu kä k’täm gui khai.

ISAIAH 62:6

Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.