SAM 74:1 - Cho Bible Common Language 2016

¹ O Khanpughi, a i ah kiasei na na nawng gui ang? Na chang gui ah khan ah angtäi sei na m’lung she khai ma?

SAM 74:1 Referans Kwoze

THULÄÄN NAK 29:20

Cun ah mäih chang cu Bawipa naw kä mgeinsei ci. Bawipa ah ng’hüüt ciah amlungshe nak naw anu cu hnungtuk püi ne däi ne ui khai. Cun kawn ah shin ah ca-uk ung gak ah leigai avan cu ani ah khan ah ng’kia ne, Bawipa naw ani akbe ah kä am di pha ah chuih om khai.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

SAM 79:13

Kemi na na chang gui, na htome bum gui naw, ang’täi sei ning yei na u ne, ngawi yä kami ning m’hlüngtai khai nei.

SAM 95:7

Ani cu mi Khanpughi, mikmi cu am hteihtang ah chang, a tu m’bei ah htome ah mi kyak ci. Tuh ngawi ani naw a i a pyen cu nami ngaih vai nei;

SAM 44:9

Cun ung phi tuhbäi nang naw na ng’hlah ta gui ne, na na hnim sak gui ci nei; Nang naw kami ga kap gui phi kä na düih püi ba gui ci nei.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

EZEKIEL 34:31

“Nangmi ka htome gui, ka m’bei ah htome bum gui cu kei ah ka chang gui nei, kei cu nami Khanpughi nei” uktu Bawipa naw pyen ci.

JEREMIAH 31:37

Hnüüp ät ung khan khomik cu nüt dawng hning ne khomdek ah ang’nei cu ami hmuh kawn ah bawtah, ngami naw katnak ami bi avan ah phäh ah ani naw Israel chang gui cu maa na gui khai. Bawipa naw pyen püi ci nei.

JEREMIAH 23:1

A chang gui m’di gui ne püipiang sak ciah chang gui ah khan ah Bawipa ah ng’thumcha nakk cu a i hlawk ah kyih vai ah kyak khai aw!

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

SAM 77:7

“Bawipa naw ak phlüt sei na hnu na gui khai ma? Kä na yei na ba gui phung khai ma?

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

EZEKIEL 34:8

Akcang ah kei cu ghing ciah Khanpughi nei, nangmi naw kei nami na ngaih ung bä pi khai. Ka htome gui cu khisa gui naw tu gui ci gui, ngawn gui ne ei gui ci gui, a i ah kyasei ci ung htomeshäm naw htome a shui ba vai ah kä tha nak ci. Ngami naw ami mät m’htei u ne, htome kä m’htei ci gui.

SAM 78:1

Ka chang gui aw, ka m’theithang cu ng’ngai ne, ka ng’thu cu ng’ya vä.

SAM 60:10

Keimi akcang ah na na hnu na gui khai ma? Keimi ah gakap gui awn atäng ah kä na ng’düi khai ma?

SAM 60:1

O Khanpughi, nang naw na hnu nah gui ne, na na hnim gui ci nei; Nang naw na na m’lung she na gui ci, — cun ung phi tuhbäi keimi täng ah na ng’hlat law ba ci.

SAM 42:9

Ka ng’zi nak Khanpughi ah thu ka pyen cu, “A i ah kyasei kei na na m’hnih ang? A i ah kyasei ka gaa gui ah shedam nak ung ka gein vai ang?”

SAM 18:8

A hna ung mei khu thawk ne, a shai ung mei m’lei tawt ne, mei cak ng’ling ci.

SAM 10:1

A i ah kiyasei na ng’shawng aih ang, Bawipa? Keimi kami khüikha sangung a i ah kyasei na mät na ng’thuh ang?

PHYAWN NAK 32:11

Moses naw Bawipa Khanpughi ah ng’coipa neta, “A i ah kyasei na chang gui ah khan ah na m’lungshe aih ang? Ngami cu dämduh ciah na m’gäi nak la na huham awn na gun gui ah kyak ci nei.

2 GHANGPUGHANG GUI 21:14

K’pawih ba ciah chang gui cu k’htät gui ne, ami khaw khän ne gut gui khai ah ami ga gui am ka ap gui khai.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

SAM 77:8

A na m’hni nak gui ng’pyi sak khai ma? A shaitak cu kä om ba khai ma?

SAM 80:5

Nang naw ei vai ah thüisei nak la awk vai ah ng’phlitui khapnu cu na na pe gui ci.

SAM 85:6

Na k’thamah ba sak gui ä, keimi, na na chang gui naw kami ning m’taam khai nei.

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

NG’ÄI KYAH 5:22

Kä cun ung nang naw khonglän ung na na hnungtuk püi gui khai ma? nang ah m’lungshe nak ung m’hnüt bäi nak a i kä om ne ma?