SAM 73:7 - Cho Bible Common Language 2016

⁷ Ami m’lung ung akshe ah phu ne, ami m’sin naw ak kaa bäng pawng püi ci.

SAM 73:7 Referans Kwoze

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

SAM 17:10

Ngami ung chimgein nak kä om sei, m’gäi ne ng’thu ci gui.

SAM 73:12

Cun cu changshe gui ah m’hni ah kyak ci. Ngami ung khawh da sei, gah täng law pi ci gui.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

SAM 119:70

Shin ah chang gui ung hmuhmat nak kä om ci, cun ung phi na thukhän ung lünlawi nak ka hmuk ci.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

1 SAMUEL 25:2

A cu ah Kaleb pahta ung ka Nabala ming nak ciah chang om ci, ani cu Maon gawnu ungka, karmela gawnu pei ah khawpäng ciah kyak ci. Ani cu a täng ah bühmang ci, htome phia thum kip la me phia gha tak ci. Achu Abigail cu kyom ne lulang ci, cun ung phi ani cu chang sawkshe, m’lungshe ciah chang ah kyak ci. Nabala naw Karmelaa ah a htomu k’teiu ci,

ESTA 3:11

Ghangpughang naw pyen ne, “Chang gui la ami ngui gui cu nang ah kaa ah kyak ci, ngami ah khan ah na m’hni ah na bi vai nei” cik ci.