SAM 73:6 - Cho Bible Common Language 2016

⁶ Chang ah ng’shei nak äh awi u ne, m’ghä m’ce nak ah suinu sui ci gui.

SAM 73:6 Referans Kwoze

SAM 109:18

Ani naw sui sui ah mäih ah ang plah cu sui sä; amät ah ng’plah cu amät ah pumsa ung tui ah mäih ah lut ba ne, a guh ung shitui ah mäih ah lut ba sä!

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

NG'THU K'THUUK~ 1:9

Cun ah m’theithang nak gui cu, na lu ung kyom ciah lukhu ah kya ne na hnü ung ning müi sak ciah äh awi ah kyak ci.

SUKI GUI 8:26

Ghui hnga-naak gui Kideon naw a gah cu pit phli-kip vai lawk ci, acun ung cüiche gui, äh awi gui, la Midian ghangpughang gui ah awi ng’vai sui k’ni gui, ami kalauk gui ah hnü ung ami m’awi ah sampai gui kä pa ci.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

EZEKIEL 16:11

Kei naw pyülung gui phi ning m’sui ne-kut khih kawh khih gui la äh awi gui ka ning pek ci.

JEREMIAH 48:29

Moab cu ng’shei aih ci nei. Chang gui a i hlawk ah ng’shei u ne, m’gäi m’cik ne, m’ghämu ne, ami nat naw ami mät a i hlawk ah ami nguih cu kei naw ka ng’yak ci nei.

JEREMIAH 48:11

Bawipa naw pyen ci, “Moab cu angtäi sei ngaih gep ne om ci, a i yah ung phi omktu ah kä hteh püi man ci gui. Moab cu hlüng tumat ungka naw tumat ung kä lawng ne, kä thäu phung ah sapyit tui ah mäih ah kyak ci. A htang cu kä dip hung ci. A tui cu angtäi sei nik ci.

ISAIAH 3:19

ami ng’kyang ung sui gui. Ani naw ami lushung gui

SOLOMON NG’Ä~ 4:9

Ka m’lung ung tuihlim ciah ng’lamihta aw, na mik awn na na phak ci nei, na awi ah äh-awi naw ka m’lung na k’pang ci nei.

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

NG'THU K'THUUK~ 4:17

Shekat nak la m’ghämce nak cu tui ei nak ci gui.

NG'THU K'THUUK~ 3:31

M’ghämce ciah chang ung kä na vamneng vai, ami bi ah mäih ah bi tu vai ah kä na k’bäi en vai.

SAM 109:29

Ka ga gui cu thui ng’a nak naw shung gui sä; lü ng’a nak cu sui nu ah mäih ah sui u sä.

ESTA 3:1

Shäng hta khäta ghangpughang Ahasuerus naw Haman ming nak cicu bawi ng’vaipi ah tha ci. Haman cu Hammedatha ah hta, Akak ah ng’shon ah kyak ci.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

ATÜNNAK 41:42

Mang ah m’hnüt nak ah a kutpyün ungka kutcüp cu suut neta Joseph am m’hnaak ci. Pä suinu akni am’sui ne ghui shawi phi m’äh ci.