SAM 73:26 - Cho Bible Common Language 2016

²⁶ Ka m’lung la ka pumsa cu cümbawng ci, cun ung phi Khanpughi cu ka ng’yak hlü avan ah kümbe nak ah kyak ci.

SAM 73:26 Referans Kwoze

SAM 138:3

Kei naw ka ning khü ung nang naw na na m’shang ci; Na tha gui awn thagui na na k’be ci.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

SAM 84:2

A cun ung a i hlawk ah ka om hlük ci ang? Kei cu Bawipa ah Pum Im ungka om hlük ci nei. Ghing ciah Khanpughi ah ka ghin nak avan awn yei ne ng’äi ka m’cu ci nei.

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

NG’ÄI KYAH 3:24

Bawipa cu kei ung om ci avan ah kyak ci, Cun ah kyasei ani ung ka ngaih u nak ka tha ci.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

2 PETER 1:14

Kei cu kä shou pha sei, shin ah sheka thei ciah pumsa cu ka nawng shüt lawk khai ah ka hmat ci nei, cun cu Bawipa Jesuh Khrit naw ang dang ah anam thein pyi ah kyak ci.

PHILIPPIAN 1:21

Ghin nak cicu a i ang! Kei ah hmawk ah, ka ghin nak cu Bawi Khrit ah kyak ci, ka sih nak cu ka bä nak pi ah kyak ci.

SAM 119:57

O Bawipa, nang cu kei ah ng’yak hlü avan ah na kyak ci; Na thukhän läk vai ah shai ka tak ci nei.

SAM 40:12

Kei cu kä khei tai vai ah da ciah khüikha nak naw na k’cung ci nei. Ka katnak gui naw na pha sei a i kä ka hmu ba ci nei; ka katnak gui cu ka lu ung lumu ah phi da pi ci nei; kei ah ka thagui cu maih ci nei.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.