SAM 73:25 - Cho Bible Common Language 2016

²⁵ Nang ah kawn ah khan kho ah kei ah hmawk ah a u om ne ang? Nang ka ning yak hlü ah mäih ah ka ng’yak hlü khomdek khan ah a i om ne ang?

SAM 73:25 Referans Kwoze

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

SAM 16:2

Bawipa ka ning pyen nak ci, nang cu ka ning Bawipa nei; kei ung om ciah akni phung avan cu nang ungka lawk ci nei.”

SAM 63:3

Ng’täi ciah na m’hni nak cu hnun gui ah ta bä pi ci nei, cun ah kyasei ka m’taam khai.

SAM 16:5

Nang, Bawipa cu kei ung om ciah avan ah na kyak ci, ka ng’yak hlü avan phi na na pek ci; ma lam ka ghin nak cu nang ah kut ung om ci.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

SAM 104:34

Kei ah ng’äi awn ani cu yeikyai khai, ka yeikyai nak cu ani ung ka lawk ci nei.

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

SAM 89:6

Bawipa, khankho ah nang ah mäih tumat phi kä om ci; Nang awn täng ciah khankho chang a u kä om ci.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

THU PHLAAN 21:3

Cun kawn ah mangkiaang ungka ng’shan sei m’lau ah k’aw cu ka ng’yak ci. Cun ah k’aw naw, “Tuhbäi ung Khanpughi ah im cu hnicim chang ah im ah kyak ci. Ani cu ngami ung om sei ngami cu ani ah chang ah kyak ci gui. Khanpughi amät cu ngami awn atäng ah om ne, ngami ah Khanpughi ah kyak khai nei.

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.