SAM 72:8 - Cho Bible Common Language 2016

⁸ A uknak cu vangtäng tuinu ungka naw vangtäng tuinu ah khüt khai, Euphratis ungka naw kho cawi avan ung khüt khai.

SAM 72:8 Referans Kwoze

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

SAM 89:25

Ani ah uknak kho cu Mediteranean tuinu ungka naw Euphratis tuinu ung khüt sei ka ng’shawng sak khai.

SAM 80:11

Ani naw ang ban gui cu Mediteranean Tuithuk la Euphratis tuinu güt ah ng’phiah sak ci.

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

1 GHANGPUGHANG GUI 5:1

Tire ghangpughang Hiram cu ang’täi sei David ah teihpüi ah kyak ci. Ani naw Solomon cu apa David ah hnün ung ghangpughang ah kya ne a ngoh ba cu ng’ya neta, ng’khawt nak ng’shä tüi lawk ci.