SAM 72:2 - Cho Bible Common Language 2016

² Cun ah kyasei ani naw na chang gui cu ni nak awn uk gui ne, dukhaih ci gui cu düng ci gui cu düng nak awn m’htei gui khai.

SAM 72:2 Referans Kwoze

ISAIAH 32:1

Khohnüüp ät ung bekhe ne uk ciah ghangpughang la taga khai ah uk ciah pakhui chang vai gui dang lawk khai nei.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

NG'THU K'THUUK~ 29:14

Ghangpughang naw dukhaih ciah chang ah chaw a shungvong ah a kyak ung, ani naw akshou uk khai.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.