SAM 72:16 - Cho Bible Common Language 2016

¹⁶ Kho do kho hmun ung htang-m’guh be sä; khogui khomhtung cu Lebanon ah mäih ah theih ciah sing awn be sä. Lolai ma ah khu m’ghaw abe ah mäih ah mang gaw gui cu chang awn be sä.

SAM 72:16 Referans Kwoze

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

LAMKTU 4:4

Cun ung phi a ni ng’thu ng’yah tuk ciah chang ak da naw, Bawipa yum tuk ci gui. Zum ciah chang avan phia hma kip law lawk ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

ISAIAH 32:20

Geitkaw nak vai ah tui da ne, ng’sela la sei gui ah phäh ah phyawng ne om nak vai khu hmun da sei yeikyai aih vai ah kyak ci nei.

ISAIAH 32:15

Cun ung phi khanpughi naw ang mümcha cu natüih law ba gui mä khai. Amdek she pi ah kho cu amdek ni ah kya lawk khai, lo gui ung geitkaw akda m’thawk khai.

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

ISAIAH 29:17

Thu k’thuuk ung om cicu tuh bäige khawbung ah kyak cicu luma ah kya lawk khai, loma cu khawbung bä ah kya ba khai, ciah kyak ci.

SAM 104:16

Lebanon ah m’htai ghing gui naw kho akda aa sak ci cun cu Bawipa amät ah sing ghing, amät ah geit ah kyak ci.

SAM 72:6

Ghangpughang cu lai ah khan ah kho a aa mäih ah, ng’lei ah khan ah khüi a book ah mäih ah kya sä.

JOB 8:7

Na shum shäuh ah na khawh avan awn m’tumtäng ne kä gah vai ah Khanpughi naw ning pe ba khai nei.

JOB 5:25

Nang ung khu m’kim khaw ung khu ng’thoot ne a lim ah mäih ah na hta gui da khai.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.