SAM 72:14 - Cho Bible Common Language 2016

¹⁴ Ani naw yawshe nak la shedam nak ung gung gui sei, ngami ah ghin nak cu ani ung ni kyom ci.

SAM 72:14 Referans Kwoze

SAM 116:15

A chang tumat a sih cu Bawipa ah hmawk ah m’neh aih vai ah kyak ci nei!

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

SAM 69:18

Kei ah law ne na hun law ä; ka gaa ah kut ung na gung ä.

2 SAMUEL 4:9

David naw ngani am, “Kyihkyawk nak avan ung na hun ciah ghing ciah Bawipa ung kei ka ng’gun ci nei!

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

SAM 130:8

Ani naw a chang gui Israel gui cu ami katnak avan hun gui khai.

SAM 25:22

O Khanpughi, na chang gui Israel gui cu, ami khüikha nak avan ung k’phyawn gui ä.

1 SAMUEL 26:21

Saul naw, “David, ka hta, kei ka hma ci nei, law ba ä! Kei naw kä ka ning hnim ba khai nei, a i ah kyasei ci ung tuh mü nang naw ka hnun na na k’phawn ci. Kei cu ka gu ang ci! Kei naw kyihkyawk vai ka bik ci!” cik ci.

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

2 SAMUEL 23:17

ani naw “Bawipa, Shin cu kei naw kä ka awk cik nei! Shin awk cu ami hnun gui pek ciah chang gui ah si awk awn täng khai nei!” cik ci. Cun ah kyasei cun awk vai cu ani naw mak ci. Shin gui cu mingthang ciah gakap thum naw m’gäi ne ami bi lawh gui ah kyak ci.