SAM 72:10 - Cho Bible Common Language 2016

¹⁰ Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

SAM 72:10 Referans Kwoze

ISAIAH 60:6

Dämduh ciah kala-uk ng’nawng gui cu, Midian la Ephah khaw ah ka lawk khai gui nei. Ngami cu Sheba khaw ah ka law u ne, ghui la tui ng’ui law püi khai gui nei. Bawipa naw bi abi ah mawng thu ni cu chang gui naw pyen khai gui nei!

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

SAM 68:29

cun cu ghangpughang gui naw khawihnah nak ami ning pek law nak ah Jerusalem na Taigüim ungka ah kyak ci.

1 GHANGPUGHANG GUI 10:1

Sheba Ghangpughangnu naw Solomon ah mingthang cu ng’ya neta m’nüm nak ah ng’shi nak gui awn m’nüm khai ah Jerusalem ah lawk ci.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

SAM 45:12

Tire chang gui naw pektak vai law püi khai gui, ng’bühmang ci gui naw na yei nak gui vai ah tha law nak khai gui.

2 SHONTÄP NAK 9:21

Ani ung Ghangpughang Hiram ah htinpaw bum awn, tuinu ung a täng ah hteit ciah htinpaw om ci. Ani ah htinpaw gui cu kum thum ung hnü ät law ba ci gui, ami law ba päng ung ghui ni, ngui ni, m’vuiha ni, yawng ga ni, yawng gui ni law püi ci gui.

ATÜNNAK 10:7

Kusha ah htangshon gui cu, Seba, Havilah, Sabtah, Raamah la Sabteka ah kyak ci. Raamah ah hta goi cu Shaba la Dedan ah kyak ci.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

ISAIAH 43:6

Ami hteh sak gu vai ah a siiptäng cu ka pyen nak khai, a htum täng am phi kä ami ma nak gui vai ah ka pyen na gui khai. Ka chang gui cu a shou nak ah khaw ung ka, khomdek khan khaw nü ung ka law bu u sä.

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

1 GHANGPUGHANG GUI 10:25

Lawk ciah chang phung naw m’cümhnah nak law püi ci gui — ngui ni ghui ni, suinu gui, likhim gui, tui ng’ui gui, ng’se la, laa gui pe lawk ci gui. Akum tä sei acun ah pe lawk ci gui.

1 GHANGPUGHANG GUI 10:10

Ani naw a law püi ah m’cümhnah nak cu Ghangpughang Solomon am pek ci; phia phli kilokram ah däm ciah ghui la tui ng’ui la pyülung akda ah kyak ci. Cun ah hnumi ah pek ah tui ng’ui cu ani naw a gah man ni ciah dämduh pikbäih ci.

1 GHANGPUGHANG GUI 10:2

Ani naw chang akda khah püi ne, ghui akda, pyülung gui la tui ng’ui gui akda ami phuih sak ah, kala-uk gui law püi ci.

ESTA 10:1

Ghangpughang Ahasuerus naw a uknak khaw tuilawng kam täng la khaw kyong täng ung om ciah chang gui cu akgat ah bii bi sak gui ci goi.

SAM 68:30

Tui hmuk ciah pyasa ah mäih ah kyak ciah Egypt gui cu m’cäi gui ä, sei nget gui ah kya ne ami hto gui awn om ci gui ah pakhui gui cu m’cäi gui ä, ngami cu ng’ui law püi ne kä ami m’khukdong pha güt m’cäi gui ä. Ng’tuk vai m’hni ciah cun ah chang gui cu k’püi gui ä!