SAM 72:1 - Cho Bible Common Language 2016

¹ O Khanpughi, na düng nak awn am khoicha thei vai ah ghangpughang cu m’theithang ä; Na mät ah düng nak cu m’shumphyuk ä,

SAM 72:1 Referans Kwoze

ISAIAH 11:2

Bawipa ah mümcha naw aniam cüivai nak pek khai, Ak chang gui a uknak vai ah hmuhmat nak la m’khütnäng nak cu pek khai. Ani naw Bawipa ah ang yak hlü cu hmat ne, ani cu kyih aa khai;

2 SHONTÄP NAK 1:10

Cun ah kyasei ngami ah khan ah ka uknak hning vai ah kei ung hlü ciah cüivai nak la lunglang nak cu na yuk pe ä. Kä cun ung shin ah dämduh ciah na chang gui cu kei naw a i hawkcha ah ka uk gui khai aw?” cine m’hlan ba ci.

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

1 GHANGPUGHANG GUI 1:39

Zadok naw Bawipa ah om nak ah Phung ungka a law püi ah olive-situi cu la neta Solomon cu phyuh theh ci. Ngami naw phyungheng tum u ne, chang gui ami van m’lau u ne, “Solomon ghangpughang akshaw ghing sä!” cik ci gui.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

1 SHONTÄP NAK 18:14

David naw Israel khaw avan uk ne, angtäi sei a chang gui cu bä ne taga khai ah om püi gui ci.

1 SHONTÄP NAK 22:9

A i ah a kyak ung phi ani naw kei ung shai a tak om ci. Ani naw, “Nang ung na htapa tumat om khai, ani naw dimdeih nak awn uk khai, a i ah kyasei ci ung a ga gui avan ungka kei naw dimdeeih nak ka pek khai. Ani ah ming cu Solomon ah kyak khai, a i ah kyasei ci ung, ani naw a uk sangung kei naw Israel am dimdeeih nak la ngaih gep nak ka pek khai.