SAM 71:5 - Cho Bible Common Language 2016

⁵ Uk ciah Bawipa, nang cu ka ning ngaih u ci nei; ka hmaw yah ung tün ne nang ung ka ng’ap ci nei.

SAM 71:5 Referans Kwoze

JEREMIAH 17:7

Cun ung phi kei ung ngaih gep ci gui cu kei naw ghiham ka pe gui khai.

SAM 39:7

O Bawipa, a i ka ngaih u khai ang? Nang bäng ka ning ngaih u ci nei.

SAM 71:17

Ka hmaw sang ung tün ne angtäi sei na na m’htei ci, cäicat vai ah na hnün thawh ah mawng cu ka pyen lä ci nei.

SAM 119:81

Kei kä ka näng ba ci, Bawipa, na na hun vai ka ning ngäng ci nei; Na thu ung ka zumhtek nak ka ap ci nei.

JEREMIAH 17:17

Kei ah phäh ah kyih vai ah kä kya en sä; khüikha nak a gawk law yah ung kei ah phiawn nak hmun ah na kyak ci.

SAM 119:166

Bawipa, na na hun vai ah ka ning ging ci nei, Na thumkhän ah mäih ah ka bik ci nei.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

JEREMIAH 14:8

Nang bäng cu Israel gui ah ngaih u ah na kyak ci; nang bäng cu lei gai ung na hun gui ciah na kyak ci. Nang cu a i ah kyasei mi kho ung khin ah mäih ah mü ät bäng ip tuk ciah lam hteit khin ah mäih ah na kiak?

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

LUKA 2:40

Ak hmaw cu däm ng’vai ne gaigawng ci. Ani cu cüivai lunglang ci, Khanpughi ah m’shumphyuk nak cu ani ah khan ah be ci.

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

JEREMIAH 50:7

Ngami cu hma gui ci ami van naw ami tuk gui ah kyak ci. Ami ga gui naw, “Ngami cu Bawipa hnung tuk püi ne hmakak ci gui, cun ah kyasei mikmi naw mi bi cu kä hma ci. Ami pupa gui Bawipa ngaih u ci gui, cun ah kyasei ngami ami mät phi ani ung ami bekhüt vai ah kyak ci.’

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.