SAM 71:24 - Cho Bible Common Language 2016

²⁴ Ak hnüüp pum ung, na düng nak cu ka pyen khai, a i ah kyasei ci ung, kei na hnim hlük ciah chang gui cu shum u ne, thui ng’a ci gui nei.

SAM 71:24 Referans Kwoze

SAM 71:13

Kei na ng’tuk püi ciah chang gui cu shum ne di u sä. Kei tha na ne na däät ciah chang gui cu, lü ng’a ne thui hmai u sä.

1 KORIN 15:25

Khanpughi naw gaa gui avan tu ne m’shiu ne, a kho kaa ah a gawk sak ung khüt sei Bawi Khrih naw a van uk khai.

SAM 92:11

Kei naw ka ga gui na tuk cu hmu ne, changshe gui ah kyah cu ka ng’yak ci nei.

SAM 35:28

Na ng’düng nak cu kei naw ka ng’shäu khai nei, ak hnüüp ng’län ung ka ning m’taam khai nei.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

SAM 71:8

A hnüüp pum ning m’taam ne, na bäimang nak cu ka ng’shäu ci.

SAM 37:30

Changnicu ang thu cüi vai ci, angtäi sei taga ci gui.

THULÄÄN NAK 11:19

Nami hta nau gui am nami m’theithang gui vai. Im ah nami om yah ung, sang ah nami hteh yah ung, nami ng’chiin yah ung, nami ng’bi yah ung nami m’thei gui vai.

SAM 70:3

Kei na gaih tuk ciah chang gui cu thui ng’a nak awn ng’kup u sä.