SAM 71:22 - Cho Bible Common Language 2016

²² Kei naw akcang ah tingtäng tum ne ka ning m’taam khai; ka Khanpughi, na bekhüt nak ka m’taam khai. Israel gui ah a theing pi, tingtäng tum ne, ng’äi m’cu ne ka ning m’taam khai.

SAM 71:22 Referans Kwoze

2 GHANGPUGHANG GUI 19:22

Nang naw a u cu nak shedam yawshe nak ciah na ngai ne ang? Nang naw, kei theingcim ciah Israel Khanpughi cu, kä na na chang m’sui ci nei.

SAM 33:2

Bawipa cu tingtäng tum ne hlüngtai vä. Gui awn pyan gui tum ne, ng’äi m’cu vä.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

SAM 144:9

O Khanpughi, kei naw ng’äi k’thai ka ning m’cu khai nei; kei naw tingtäng tum ne ng’äi ka ning m’cu khai nei.

SAM 98:3

Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

ISAIAH 5:19

Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

SAM 138:2

Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

SAM 89:1

O Bawipa, ng’täi ciah nam hni nak cu angtäi sei ng’äi ah ka m’cu khai nei; Na bekhüt nak cu angtäi sei ka ng’shäu khai nei.

SAM 78:41

Ngami naw leng ba ba ne Khanpughi cu m’nüm u ne, Israel ah Paciim Khanpughi cu nat sak ci gui.

SAM 56:4

Kei cu Khanpughi ngaih u ne, kä ka kyik ci; A shaitak ah hmawk ah ka m’taam ci. Hniciim chang naw kei cu a i ah na ci hlawt khai aw?

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.

ROMAN 15:8

Kei naw ka ning m’thein gui cu, Bawi Khrit naw a ghin yah ung khuut abi nak cu, Jew chang gui ah hmawk ah kyak ci. Cun cu khanpughi bä ne ang khän ah mawng am dang nak la pu pa gui am khanpughi naw shaitaak nak a peit gui cu ng’düng ne bä khai ah abi nak ah kyak ci.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

SAM 98:4

Khomdek van naw Bawipa am yei ne ng’äi m’cu vä; Ng’äi m’cu ne m’taam ne m’lau ne yei vä!

SAM 98:5

Bawipa cu ng’äi m’cu ne m’taam vä! Tingtäng tum ne k’hting k’bei vä!