SAM 71:21 - Cho Bible Common Language 2016

²¹ Nang naw angtäi sei na na hlüngtai sak pi khai; Nang naw na na shungvong ba mä khai.

SAM 71:21 Referans Kwoze

2 SAMUEL 3:1

Saul ah kyongchang gui naw ami ng’düih püi gui la David naw ang düih püi gui ah gakap gui cu akshou ng’tuk ci gui. David cu khüi ghat law pi pi sei, ang tuk püi gui cu ami tha ken law pi pi ci.

SAM 86:17

Bawipa, na ni nak cu saksi awn na m’dang ä; m’lung üp nak la m’hteihtang nak na na pek cu ami hmuh ah akyak ung, kei na thüi nak ci gui cu lü khai gui nei.

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

SAM 32:10

Changshe gui cu geinvai khai gui, cun ung phi Bawipa ung ng’ap ci cu, ng’täi ciah am hni nak awn shungvong ci.

SAM 18:35

O Bawipa, na shungvong ne, na na hun ci; Na k’pat kut naw na bä khäk sak ne, Na huham nak naw na phyawn gai sak ci.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 72:11

Ghangpughang avan ama ah kawp khai gui; changpakhui avan naw a khut bik khai.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

1 THESSALONIAN 3:9

Tuhbäi nangmi ah hmawk ah kami Khanpughi cu kami m’hlüngtai hning pyi ci nei. Nangmi ah mawng ung Bawipa ah ma ah keimi ah yeikyai nak a om ah hmawk ah kami m’hlüngtai ci nei.

2 KORIN 7:13

Cun cu dang sei keimi cu kami k’thamah ci. Kami k’thamah bäng ah kä kyak ciah Tutus cu m’hteihtang uk ci sei, ani a yeikyai cu hmuh u netah, ang htei ah kami yei kyai ci.

2 KORIN 7:6

Zaica ng’ä ng’ai ci, k’thamah sak ciah Khanpughi naw, keimi ah gawk lawk ciah Titus awn k’thagui na pe ba gui ci.