SAM 71:2 - Cho Bible Common Language 2016

² Nang cu na düng ci kyasei, Na m’htei ne na gung ä, ka thu ngai ne na hun ä!

SAM 71:2 Referans Kwoze

SAM 31:1

Bawipa, na na shungvong vai ah nang ah ka lawk ci nei; Kä na di maih sak phung en ä. Nang cu düng ciah Khanpughi nei; ka taigü ci, na hun ä!

SAM 17:6

O Khanpughi na na m’shang ci kyasei, nang ah ka taigü ci nei; kei täng ah ng’hlat law ne, ka thu cu na ngaih peä.

SAM 143:11

“Bawipa, na shaitak ah mäih ah na gung ä; Na ni nak awn ka khüikha nak cu na hun ä!

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

SAM 143:1

Bawipa, ka taigü na ng’yak peä! Na düng nak ung ka ng’pa nak cu na ngaih peä; Na bekhüt nak awn na m’shang ä!

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

SAM 17:2

Nang naw kei lam ah om ne na m’khoi m’chak khai, a i ah kyasei ci ung nang naw hman cicu na hmat ci.

SAM 31:2

Na ngai ä! Tuhbäi na hun ä! Ka ng’yii nak awi na shung ä; ka shung nak awi na hun ä.