SAM 71:16 - Cho Bible Common Language 2016

¹⁶ Bawipa, Khanpughi, na thamah nak ung ka hteit khai; na mät ah ni nak bäng cu ka ng’shäu khai.

SAM 71:16 Referans Kwoze

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

SAM 51:14

O Khanpughi, ka ghin nak cu na pyang pe ne, na hun ä, kei naw yeikyai ne nang düng nak ka shüm khai nei.

2 THESSALONIAN 1:6

Khanpughi naw düng nak cu bik khai; ning yaica sak gui ci cu, yaica nak pe gui khai.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

EPHESIAN 3:16

Khanpughi cu bämang ci kyasei, nami m’lung kyong a khüighaat vai ah, ang Mumcha awn hlüngtai nak a ning peit gui vai ah, kei cu ka taigü ci nei.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

SAM 71:24

Ak hnüüp pum ung, na düng nak cu ka pyen khai, a i ah kyasei ci ung, kei na hnim hlük ciah chang gui cu shum u ne, thui ng’a ci gui nei.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

ROMAN 10:3

Ngami naw, Khanpughi naw chang gui ang düng sak nak gui ah lam cu kä hmu u netah, cun ah lam ung kä hteh ah, ami mät naw k’tha na ne ami pyan ah lam ung hteit ci gui.

ROMAN 3:21

Cun ung phi Khanpughi ung chang gui ami ng’düng nak vai ah lam cu dang pyi ci nei. Khanpughi ung düng nak cu thukhän nawn na kä kyak ci, cun ah a mawng cu Moses ah Thukhän la puorfet gui naw saksi m’dang ci gui.

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

SAM 106:2

Küikyang ciah abi gui avan cu a u naw pyen hning khai aw? A u naw bä khai ah m’taam hning khai aw?

SAM 71:19

Khanpughi, na düng nak naw kho mik pha ci, a küikyang bi na bi pyi ci; nang ah mäih a u kä om ci.

SAM 71:2

Nang cu na düng ci kyasei, Na m’htei ne na gung ä, ka thu ngai ne na hun ä!

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

THULÄÄN NAK 33:25

Ani ah gawnu gui cu m’sii m’kawt gui awn ng’vong u sä. Acun cu angtäi sei geing bawi na ne om sä.”