SAM 7:9 - Cho Bible Common Language 2016

⁹ Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

SAM 7:9 Referans Kwoze

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

JEREMIAH 20:12

Cun ung phi m’gäi ciah Bawipa, nang naw chang gui cu taga khai ah na m’nüm ci; ngami ah ami m’lung ngaih kyong ung a i om ci, cicu nang naw na hmat ci. Ka ga gui ah khan ah phu na tuk cu na hmuh sak ä, kei ah ka mawngma cu nang ah kut khui ung ka tha ci nei.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

SAM 139:1

Bawipa, nang naw na m’nüm ne, kei cu na na hmat ci.

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

SAM 37:23

Changni cu Bawipa naw a hteh nak vai lam shüm ne, Ani yei nak cicu shungvong ci,

SAM 26:2

Bawipa, na ng’shi ne, na m’nüm ä; Ka ng’yak hlü la ka ngaih-tüh gui cu yuk m’khoi m’cha law ä.

SAM 11:5

Ani naw akni la akshe cu m’nüm ci; Thukän m’shet cicu am lung avan awn gen ci.

SAM 10:15

Shekha ne cheishoh ci gui ah huham cu cheiuh pe gui ä; A she ami bi cu kä ami bi ba güt m’kyuk gui ä.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

SAM 17:3

Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

SAM 58:6

O Khanpughi, shin ah kawng gui ah ha cu cheiuh pe gui ä.

SAM 10:18

Nang naw gein vai ci la hmeihta gui ah kyah cu na ng’yak ci, ngami täng ah om ne na m’khoi chak khai, cun ah kyasei m’dek chang naw kyihkyawk vai ah kä yawshe na sak gui khai.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

SAM 40:2

Kei cu di nak ah khui la ng’än nai ung ka na khui ba ne, lung khan ah na m’düih ne nak phyawn sak ci.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

ATÜNNAK 20:5

Abraham naw ani cu ka be nei cik ci, amät naw phi a cun ah pyen ci. Kei naw shin cu düng nak awn ka bi ah kyak ci nei, ka katnak a i kä om ci nei” cine pyen ci.

1 GHANGPUGHANG GUI 8:32

O Bawipa, Khankho ah ka naw ngai ne, na changshäm gui cu ng’thumcha gui ä. Katnak bik cicu akat ah mäih ah m’kyuk ne, changni cu phyawn sak ä.

SAM 9:9

Bawipa cu dukdeiu nak gah ci gui ah ng’yii nak, gein vai yah ung ng’pha nak ah kyak ci.

SAM 18:21

Kei naw Bawipa ah thukhän cu ka läk ci, Khanpughi hnu na ne kä ka ng’hlat ci.

SAM 35:23

O Bawipa, tho law ne kei cu na shung ä; ka Khanpughi, ng’düi law ne, kei ah ka mawng cu na m’htei pe ä.

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 96:10

Chang pakhui van ah ma ah, “Bawipa cu ghangpughang nei! cine pyen vä. Khomdek cu a hmun ung khäng ne kä ng’nawn hlawt ci nei; Ani naw chang gui cu düng nak awn m’khoi m’chak khai nei.”

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.