SAM 7:8 - Cho Bible Common Language 2016

⁸ Nang cu hniciim chang avan ah suki ah na kyak ci. Kei täng ah m’choi cha ä, Bawipa; Kei ah düng cu nang naw hmat ci nei.

SAM 7:8 Referans Kwoze

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

SAM 78:72

David naw amät ah hmawk vai düt kä ngaih na ne, cüivai nak awn m’hteihtang gui ci.

SAM 26:1

O Bawipa, kei cu düng ci bi ne, nang ung akbe ah ka ng’ap ci kyasei, Kei täng ah na bi lawh vai nei.

SAM 41:12

Kei cu ng’düng ci ka bik ci kyasei, nang naw na nam htei khai nei; Nang naw angtäi sei na ma ah na na k’pawm khai nei.

SAM 26:11

Cun ung phi, kei läi cu, düng ci ka bik ci, kei cu na chimgein ne, na hun ä!

SAM 25:21

Kani nak la ka düng nak naw kei cu na ngäng sä, a i ah kyasei ci ung kei cu nang ung ka ng’ap ci nei.

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

SAM 9:8

Ani naw düng nak awn m’dek khan cu uk ci nei; Pakhui cu taga khai ah m’khoichak ci nei.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

NG'THU K'THUUK~ 19:1

Dukhaih pang ne phi dung ciah chang cu, hleehlak omshe ciah ta ba pi ci.

SAM 82:1

Khanpughi cu khankho kongsi lam shüm ne, khanpughi gui ah ng’lung ah ng’düi ne m’khoi m’cha nak bik ci: