Biblia Todo Logo
Bib sou entènèt

- Piblisite -




SAM 7:6 - Cho Bible Common Language 2016

6 m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

Gade chapit la Kopi




SAM 7:6
21 Referans Kwoze  

Ng’shüm law ä, Bawipa! A i ah kyasei na ih ang? Tho law ä! Keimi cu kä na hnu en na gui lä ä.


O Bawipa, tho law ne kei cu na shung ä; ka Khanpughi, ng’düi law ne, kei ah ka mawng cu na m’htei pe ä.


Law ä, Bawipa! Na hun ä, Ka Khanpughi! Ka ga gui avan cu na m’kyuk gui ci, Ami na huut nak ah huham phi maih sak ci.


Bawipa naw chang pakhui gui pyen na gui ci, “Tuhbäi kei ka hnüntho khai nei. Kei a i hlawk ah ka huham mah cu kei naw ka m’dang khai nei.


Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.


Kyum law ne na m’htei gui ä! Ng’täi ciah na m’hni nak awn na hun gui ä!


Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.


Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”


Bawipa naw amät ah mawngma cu m’dang ge khai ah om ci, ani naw a chang gui ng’thumcha ge khai ah pawng ci.


Bawipa naw ami shedam nak gui lam ah om ne m’khoi m’chak ci, ngami am ami chaw phi pe gui ci.


Ak hnu ah Bawipa cu ip te ciah chang ah mäih ah, sapyit tui aw te ciah chang m’gäi ah mäih ah tho law ba ci.


A bäät ah shek ci gui cu m’khan shi gui ne hteit ä; kami ga gui naw Taigüim ung om ci phung avan m’di ci gui nei.


Ngami cu kho ngawi ah maih ah ciah ng’mang ah mäih kyak ci gui nei; Bawipa, nang na thawh law ung ngami cu ng’kawn ci gui nei.


Tho vä, Bawipa Khanpughi, A hlüngtai, law ne nam htei law ä; Israel Khanpughi, na mät naw hmu ä! Tho law ne kä yum ci gui cu m’kat gui ä, akshe bik ci gui cu kä m’gein-en gui ä!


O Bawipa, na hnu ng’tuk püi ci gui cu, hnu ng’tuk püi ä, Na ng’tuk püi ci gui cu ng’tuk püi gui ä!


Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.


Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.


Ka ga naw na yäi ne ang müi ah na m’di ci nei. Ani naw mü hmüp thawng ung na chum sei, cau pui sik ciah mäih ah ka kyak ci nei.


Swiv nou:

Piblisite


Piblisite