SAM 7:5 - Cho Bible Common Language 2016

⁵ Ka ga gui naw na k’täm ne nap ha u sä, ngawn ne m’dek ung na m’shän u ne, ka hun gui cu m’vut ung k’caw u sä!

SAM 7:5 Referans Kwoze

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

HABAKKUK 3:13

Na chang gui na hun gui khai ah na hteit ci, na ghü ah ghangpughang phi na hun khai, changshe gui ah ami ng’vai gui cu nang naw hniim ne, ani läk ci gui cu na m’di yawp ci.

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

ISAIAH 63:3

Bawipa naw m’shang ci, “Kei naw chang pakhui gui cu sapyit neen ah mäih ah ka neen gui ci, a u naw law ne kä na bawn tuk ci. Kei naw m’lungshe ne neen gui ngä sei, ami si cu ka sui avan ung kawp ci.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

SAM 60:12

Khanpughi cu mikmi lam ah om sei, mikmi mi ng’näng khai, ani naw mi gaa gui cu m’di gui khai.

SAM 49:12

Chang cu abäi mang nak naw sih nak ung kä phyawn hlawt ci; Ani phi sei sa ah mäih ah sik khai kyak ci.

SAM 44:5

Na mät ah huham awn kami gaa gui cu kami hnim ci.

SAM 3:2

Ngami naw kei ah mawng pyen ne ng’htau u ne, “Khanpughi naw kä m’htei khai nei” cik ci gui.

JOB 16:15

Kei cu sui akheei sui ne ka thüi kyap ci nei, Ka shung ciah kya ne m’vut ung ka ngok ci nei.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

1 SAMUEL 24:18

Tuh ngawi kei ah khan ah a i hlawk ah na ni cu na m’dang ci, a i ah kyasei ci ung nang ah huham kyong ah Bawipa naw na tha sei phi nang naw kä na na ngawn ci.

1 SAMUEL 24:20

Tuhbäi kei naw ka pyen cu, nang cu Israel ghangpughang ah na kyak khai, kho uknak cu nang ah uknak ka ah om lä khai.