SAM 7:12 - Cho Bible Common Language 2016

¹² Ngami cu kä ami ng’yu ba ah a kyak ung, Khanpughi naw ak khim k’tah ne, ali m’cung ne koi ge ci;

SAM 7:12 Referans Kwoze

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

EZEKIEL 18:30

“Tuhbäi, kei, uktu Bawipa naw ka ning m’thein gui ci, Israel gui, nangmi a chang sing cu, kei naw amät ah bi phäh phäh awn ka ning m’kyuk gui khai. Nami bilawk ah akshe avan ungka ng’hlat law ba vä, name katnak naw kä ning m’di en gui sä.

THULÄÄN NAK 32:41

kei naw tuilet ciah ka khim kak tah khai, taga ciah bilawh cu hmuh vai. Kei naw ka ga gui ah khan ah phu ka tuk khai. Na thüi nak ci gui cu kam kyuk khai.

SAM 85:4

O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

EZEKIEL 21:23

Cun cu Jerusalem chang gui naw kä yum khai gui, a i ah kyasei ci ung ngami ung ami ng’gei nak ah ng’thukbäi om ci. Cun ung phi shin ah ng’cängbang nak naw ami kat nakt cu m’shüm gui ne, ami pha gui vai ah mawng k’bäi gui ciah kyak ci.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

SAM 9:5

Nang naw chang khuihei gui m’kyuk gui ne Changshe gui na m’di gui ci, ngami cu a ngawi ah phi a u naw kä shüm gui khai.

SAM 129:4

Cun ung phi, Bawipa, düng ciah Bawi naw, Khleihtein ungka na m’hlawt ci.”