SAM 7:10 - Cho Bible Common Language 2016

¹⁰ Khanpughi cu ka ng’shawi; a ng’thu ngai cicu ani naw hun ci.

SAM 7:10 Referans Kwoze

NG'THU K'THUUK~ 28:18

Düng ne na om vai, cun ung na phyawng khai. Kana dung ung ang ghit ah nang kyak khai.

SAM 125:4

Bawipa, changni gui la na thumkhän läk ci gui ah khan ah akni cu yuk bi law ä.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

NG'THU K'THUUK~ 11:20

Akshe ah m’lung ngai ciah chang cu Bawipa naw thüi nak ci, Cun ung phi a hman bik cicu m’hni ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

NG'THU K'THUUK~ 2:21

Düng cih chang gui — kümbe ci gui — cu shin ah mi khaw ung om khai gui.

SAM 112:2

Changni ah hta nau gui cu kho avan ung ami huham om khai; Ani ah hta ng’shon gui cu hriham gah khai gui.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

JOB 8:6

Nang cu ng’düng aih ne na theingthap ah a kyak ung, Khanpughi law ne ning m’hteihtang khai, aning m’cümhnah nak ah na kyong khui cu m’tho ba khai.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

2 SHONTÄP NAK 6:30

ami taigü ngaih pe gui ä. Khankho na im ah ka naw ngai gui ne, m’geinsei gui ä. Nang bäng naw vah hniciim chang ah m’lung ngaih cu na hmat ci. A chang päng cu amät ah bi ah mäih ah om püi ä.

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”