SAM 69:8 - Cho Bible Common Language 2016

⁸ Kei cu ka phäi nau gui ung om k’tu ah mäih ah ka kyak ci, ka kyong khui ung kho hei chang ah mäih ah ka kyak ci.

SAM 69:8 Referans Kwoze

SAM 31:11

Ka gaa gui avan la aktungpi ah ka im ng’gi gui naw na yawshe nak ci gui, kei na hmat ci gui naw na kyih ci gui; Lam ung kei ami na hmuh ung dawng ci gui.

JOHAN 1:11

Cun ung phi khomdek naw ani kä yum hmat ci. Ani cu amät ah kho ng’lei ung law sei phi ak chang gui naw kä dou ci gui.

JOHAN 7:5

(A nau gui naw phi Bawipa Jesuh cu kä yum ci gui.)

SAM 38:11

Ka gaw nak ah hmawk ah ka teihpüi, paw chang gui naw phi kä na et ba khai gui, ka kyong ung ka gui naw phi na hteh tak khai gui nei.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

1 SAMUEL 17:28

David naw chang gui ang thu püi gui cu a phäi ang vai pi Eliab naw ng’yak ci. Ani cu David ah khan ah m’lung she neta, shin ung a i na haw lawk ci ang? Bung hmu ah na htawme gui cu a u naw ang a shäm? Nang changshe hta! Ng’tuk na teng tu düt khai ah na lawk ci nei” cik ci.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

SAM 89:51

O Bawipa, na ga gui naw na ghü ah ghangpughang cu shedam nak ci gui nei! Ani cu a hteh nak päng ah shedam nak ci gui nei.

SAM 89:52

Bawipa cu angtäi sei m’taam vä! Amen! Amen!

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

ISAIAH 53:4

Cun ung phi mikmi ah khan khin ah yaica nak cu ani naw khan ci, mikmi ah khan khin ah m’neh nak cu ani naw khan ci. Khanpughi naw a tüih law ah m’kyuk nak ah mi ngai ci.

JEREMIAH 15:15

Cun kawn ah kei naw, “BAWIPA, nang naw nah mat ci. Na shüm ba ne na m’htei htang ä. Na k’dudei nak ci gui ah khan ah phu na tuk sak ä. Ngami naw kei na näng ne ami na ngawn güt nang naw kä hnim gei en ä. Kei ami na shedam nak cu nang ah hmawk ah kyak ci, cicu shüm ba ä.