SAM 68:6 - Cho Bible Common Language 2016

⁶ A om nak kä om ci gui-am im pe gui ne, Thawng kium ci gui-am päng ze nak lam shüm gui ci. Cun ung phi hnu ng’tuk püi ci gui cu kho kei ah om khai gui.

SAM 68:6 Referans Kwoze

SAM 113:9

Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

SAM 107:14

Ani naw amü, a hmüp nak ungka k’plawk ba gui ne, ami khih nak gui cu ci pit yawp ci.

SAM 107:10

Am shah cu mü, hmüp khui ah om u ne, gui awn khit ne, thawng ung yaica ci gui,

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

KALATIAN 4:27

A i ah kyasei ci ung, Cacim naw; “Kä hta ciah hnumi, kä na hta man ung phi yeikyai ä! Nau poi kä na m’neh man ung phi, viik ne m’lau ä! A cei naw a nawng ah hnumi cu, A cei om ciah hnumi ah mä, da pi sei, Hta nau khai nei!” ciah pyein ci.

1 SAMUEL 2:5

Ami phü ah ei man ciah chang gui cu, ei ami gah vai ah ami mät ng’hlawh ci gui. Ei cawi man ci gui cu kä cawi ba ci gui. Kä hta ciah chu cu chih ah hta ci, Cun ung phi chang akda ah nu ung a i kä om ba ci.

LAMKTU 16:26

Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

MALAKHI 1:3

Esau la a hta ng’shon cu ka gen ci. Esau ah khogui hmun cu khaw tai ah kyak sak ne, cun ah khaw cu sa-ui gui am ka nawng pe gui ci.”

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

THULÄÄN NAK 10:18

Ani naw hmeihta la hmeinu ung shan kiang nak m’dang ci. Mi chang gui awn a täng ah om tuk ci gui ah khaw hei chang gui phi ani naw m’hni gui ci. Ei vai la sui vai pe gui ci.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

NG'THU K'THUUK~ 23:11

Bawipa cu huham mah ciah ami ng’shung nak ah kyak ci. Ani naw ngami ah mawng ung ning hnungtuk päi gui ne, ng’thu pyen khai.