SAM 68:5 - Cho Bible Common Language 2016

⁵ Theingcim ciah Taigüim ung om ciah Khanpughi naw hmei hta gui cu tengkhen gui ne, hmeinu gui cu m’hteihtang gui ci.

SAM 68:5 Referans Kwoze

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

JEREMIAH 49:11

Nami hmeihta gui nawng shüt vä, kei naw ka m’htei gui khai. Nami hmeinu gui cu kei ung shungshet u sä.

THULÄÄN NAK 10:18

Ani naw hmeihta la hmeinu ung shan kiang nak m’dang ci. Mi chang gui awn a täng ah om tuk ci gui ah khaw hei chang gui phi ani naw m’hni gui ci. Ei vai la sui vai pe gui ci.

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 72:4

Dukhaih ci gui cu ghangpughang naw hmai kiang ne m’taga gui sä; cawi gha ci gui cu m’hteinghtang gui sä, ngami shedam na gui cicu hnim gui sä.

SAM 10:18

Nang naw gein vai ci la hmeihta gui ah kyah cu na ng’yak ci, ngami täng ah om ne na m’khoi chak khai, cun ah kyasei m’dek chang naw kyihkyawk vai ah kä yawshe na sak gui khai.

2 SHONTÄP NAK 6:2

Tuhbäi nang ah phäh ah chün ciah Taigüim, Nang naw Khonglän ung na om nak vai ah hmun cu kei naw ka co pyi ci nei.”

EPHESIAN 5:1

Nangmi cu Khanpughi ah hta nau gui ah nami kyak ci, ani ah mäih ah om vai ah nami tha nak vai.

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

SAM 72:2

Cun ah kyasei ani naw na chang gui cu ni nak awn uk gui ne, dukhaih ci gui cu düng ci gui cu düng nak awn m’htei gui khai.

SAM 33:14

Khomdek khan ah om ci avan cu, a uk nak ung om ne teng gui ci.

2 SHONTÄP NAK 30:27

Taigü gui la Levit gui naw chang gui ah khan ah Bawipa naw a phyuh theh vai ah k’thäh ci gui. Khanpughi naw khankhaw a im ungka naw ami taigü gui ng’ya ne dou pe gui ci.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

THULÄÄN NAK 26:15

Theingcim ciah na khankhaw hmun ungka naw yuk teng law ä, na chang gui Israel gui cu hriham yuk pe law gui ä, Kami pupa gui awn na shaitak ah mäih ah na na pek gui ah bühmang ne, anglei nik ciah khaw cu hriham yuk pe law ä.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

SAM 118:19

Pum im ah ng’vong m’kawt gui cu na k’hmawn pe ä; kei a cun ung lut ne Bawipa m’hlüngtai khai nei!

SAM 150:6

Ak ghing om avan naw Bawipa cu m’tam vä! Haleluyah!

ISAIAH 12:4

Chang gui naw ng’äi ami mku nak vaiah hnüüp cu gawk lawk ci nei. “Bawipa cu m’hlüngtai vä! Na m’htei gui khai ah ani cu khü vä! Ani naw abilawh gui cu chang pakhui avan am m’thein vai! Ani a i hlawk ah a dämduh cu m’thein gui vä!