SAM 68:10 - Cho Bible Common Language 2016

¹⁰ Na chang gui naw a cu ah im co ci gui, Na ni nak awn dukhaih ci gui na m’htei gui ci.

SAM 68:10 Referans Kwoze

SAM 74:19

Am gein kaa ah kyak ciah na chang gui cu, ga she gui ung kä ap en gui ä; Dukdeiu ciah chang gui cu kä m’hnih en gui ä!

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

1 PETER 5:3

Nami kut ung ng’ap ci gui uk vai ah kä nami tha nak vai, htomebum ah thei tu vai ah nami om vai.

LUKA 1:53

Cawigha ci gui-am tuihlim ci tumbei gui ne, bämang ci gui cu ami yüng ah hteh sak gui ci.

SAM 78:20

Lung tawk sei tui lut law ne long ci, cun cu akcang ah kyak ci; cun ung phi ani naw m’htut mä na pe gui hlawt khai ang? Ak chang gui am meh mä pe gui hlawt khai ang?” cik ci gui.

SAM 65:9

Nang naw na ng’dü khaw m’htei ne na m’dang nak cu; khaw na yuk aa sak ci, na bämang sak ci, m’dek na ni sak ci, tuihta na lon sak ci; khomdek phi geit awn na be sak ci. Shin cu nang ah bi lawh ah kyak ci.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

KHEI NAK 16:3

Ngami naw Moses la Aaron ah ma ah ng’bum law u neta, ami pyen cu, “Nangni akshou nu ah nani hteit pyi ci. Bawipa naw chang bum ung chang avan khäm ci. Bawipa cu ami van awn a täng ah om ci. A i ah kyasei Moses aw, Bawipa ah chang bum ah khan ah na mät na ng’düih hnga ang?”

1 GHANGPUGHANG GUI 8:36

Khankho ah ka naw ngaih pe gui ä. Ghangpughang la Israel chang gui ah hma nak cu m’geinsei gui ä. Düng cicu ami bi vai ah m’theithang gui ä. Cun kawn ah Bawipa, Na mät ah khaw ung khaw cu yuk aa ba sak ä, cun cu na chang gui am angtäi sei ami ka nak vai ah na pek gui ah kyak ci nei.

SAM 65:10

Lai thawn nak vai khaw akda yuk aa sak ne, tui awn na ng’shik sak ci; Nang naw m’dek cu khawtui dän sak ne, phung ciah a ghing gui cu na thawh sak ci.

SAM 65:11

Na ni nak awn bühmang nak na pek cu däm aih ci nei! Na hteh nak päng ah ei mang vai da ci.

ISAIAH 40:29

Aktha maih ci, bawng bai cicu ani naw thamah nak pek ci nei.