SAM 68:1 - Cho Bible Common Language 2016

¹ Khanpughi tho law ne a gaa gui cu k’püi gui ci. Ani gen ciah chang gui cu dawng yawp ci gui.

SAM 68:1 Referans Kwoze

KHEI NAK 10:35

Thukhän M’küm tün ne a hteh law ba phung ung Moses naw, “Tho law ä, Bawipa, na ga gui püipyang sak gui ä!”

SAM 44:26

Kyum law ne na m’htei gui ä! Ng’täi ciah na m’hni nak awn na hun gui ä!

SAM 89:10

Nang naw nget ciah Rahab cu shudeng ne na ngawn ci; m’gäi ciah na thagui awn na ga gui cu tu ne na k’täm gui ci.

ISAIAH 33:3

Nang naw keimi ah phäh ah ng’tuk na bi yah ung, ng’tuk ah k’aw

2 SHONTÄP NAK 6:41

Bawipa Khanpughi, tuhbäi ng’düi law ä, na huham ah kyak ciah Thukhän M’küm awn Taigüim ung lut ne, shin ung khonglän ung om ä. Na taigü gui ah ami bi avan cu hriham pe gui ä. Ngami ah khan ah nang ah na bä nak ah phäh ah na chang gui avan cu yeikyai khai gui nei.

SAM 68:30

Tui hmuk ciah pyasa ah mäih ah kyak ciah Egypt gui cu m’cäi gui ä, sei nget gui ah kya ne ami hto gui awn om ci gui ah pakhui gui cu m’cäi gui ä, ngami cu ng’ui law püi ne kä ami m’khukdong pha güt m’cäi gui ä. Ng’tuk vai m’hni ciah cun ah chang gui cu k’püi gui ä!

SAM 68:14

Hlüngtai ciah Khanpughi naw ghangpughang gui ang pai sak nak gui ah Zalmon m’htung cu khüi toi ah be sak ci.

SAM 59:11

O Khanpughi kä ngawn-en gui ä, cun ung ka chang gui naw m’hnih khai gui nei. Na thagui awn ng’pyek ng’pai sak gui ne hnim gui ä, O Bawipa, kami ng’yii nak.

SAM 21:8

Ghangpughang naw a gaa gui avan cu chum gui khai, ani naw ani gen ci phung cu chum khai.

THULÄÄN NAK 7:10

Cun ung phi ani thüi nak ci gui m’kyuk vai ah kä shoshü ci.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

EZEKIEL 5:2

Mang gaw ami khaai ang pyi nak ung k’pai ät cu mang gaw kyong ah na m’khih vai. K’pai ät cu mang gaw k’pung ah khüt sei na khim sem awn at pit pit ne na ci vai. K’pawih ba ciah k’pai ät cu khokhi ung na m’shon vai kei naw ka khimsem awn k’täm ne ka tuk khai.