SAM 67:7 - Cho Bible Common Language 2016

⁷ Khanpughi naw hriham na pe gui ci nei, kho nü ung chang van naw ngak sä.

SAM 67:7 Referans Kwoze

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

SAM 65:5

Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

LAMKTU 13:47

Bawipa naw ana peit gui ah thukhän cu: “Kei naw nangmi cu changpakhui hei gui ah hmawk ah, akdei ah ka ning m’düih gui ci, Cun ah kyasei khomdek khan avan naw hun nak gah khai, ci ne pyein ci” cine pyein sak ci goi.

LAMKTU 2:28

Ghin nak ah lam cu nah na m’shüm pyi ci, atäng ah nah na om püi nak naw na yei kiai sak khai nei” ci neh pyein ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

KALATIAN 3:9

Abraham naw yum ne m’shumphyuk nak gah ci; ani ah mäih ah yum ciah chang phung naw m’shumphyuk nak cu gah ci gui.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ISAIAH 43:6

Ami hteh sak gu vai ah a siiptäng cu ka pyen nak khai, a htum täng am phi kä ami ma nak gui vai ah ka pyen na gui khai. Ka chang gui cu a shou nak ah khaw ung ka, khomdek khan khaw nü ung ka law bu u sä.

SAM 98:3

Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

SAM 33:8

Khomdek avan naw Bawipa khawihnah vä! Kho a ka ah chang avan naw m’taam khah vä!

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

TAIGÜTHUM 26:4

kei naw amät ah khin ung khaw ka aa sak khai, cun ung khonglei ung geit m’thawk khai, sing ghing gui cu m’theih khai gui.

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.