SAM 66:9 - Cho Bible Common Language 2016

⁹ Ani naw ghin vai ah na shum gui ne, mi zu ng’kyak vai phung kä bik ci.

SAM 66:9 Referans Kwoze

SAM 121:3

Ani naw kä ning kyuk tän sak phung khai, Nang ning ngäng cicu angtäi sei ci m’gang ci.

SAM 112:6

Changni cu kä zu ng’kia phung khai; ani cu a phlüt ah shüm vai kyak khai.

SAM 94:18

Kei naw, “Ka zu ng’kya vük ci nei” ka cik ci, cun ung phi Bawipa, bä ciah na m’hni nak naw kei cu na m’htei ci nei.

LAMKTU 17:28

Chang tumat naw; “Mikmi cu Khanpughi awn ghing ne, hnün tho ne, om ih ne mi kyak ci.” Nang mi ungka ng’äi awn m’thei ciah chang gui naw phi; “Mikmi cun phi Khanpughi ah Hta gui ah mi kyak ci” cine ng’äi awm ci gui.

SAM 125:3

Changshe gui naw chang düng gui ah kho cu, kä uk lä khai gui; Ami uk lä ah a kyak ung chang düng gui naw phi, akshe bi lawk khai gui.

SAM 62:2

Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.

SAM 22:29

M’gäi ciah chang gui avan cu ama ah kawp khai gui; Chang neng gui avan cu ak ka ah ng’bawlawk khai gui.

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

SAM 62:6

Ani bäng naw na shung ne na hun ci; Ani cu ka ng’yii nak ah kyak ci, kei a i naw kä na hmim phung khai.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.