SAM 66:16 - Cho Bible Common Language 2016

¹⁶ Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

SAM 66:16 Referans Kwoze

SAM 34:11

Hmaw chang ka teihpüi gui law vä, Na ngai law vä, Bawipa tamkhah ah mawng ka ning m’thei gui khai nei.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

SAM 66:5

Khanpughi ah bi, chang ah ng’lung ah cäicat vai ah a hlün thawh cu, law ne teng law vä.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

SAM 71:24

Ak hnüüp pum ung, na düng nak cu ka pyen khai, a i ah kyasei ci ung, kei na hnim hlük ciah chang gui cu shum u ne, thui ng’a ci gui nei.

SAM 71:20

Geinvai nak la yaica nak cu ka khan ah na tüi law ci, cun ung phi nang naw ka thagui na m’küm khai, ng’cim hmun ung ka, na na thup khai.

SAM 34:2

A bilawh gui ah hmawk ah ka m’taam khai nei; ami shedam nak ah chang van naw ngai ne, yei u sä!

JEREMIAH 51:10

Bawipa naw pyen ci, “Ka chang gui m’lau ci gui, ‘Mikmi ming’düng ciah Bawipa naw m’dang ci nei, Mikmi mi hteit ne Bawipa mi khanpughi naw abi cu Jerusalem chang gui am mi m’thein gui khai nei.”