Biblia Todo Logo
Bib sou entènèt

- Piblisite -




SAM 65:3 - Cho Bible Common Language 2016

3 Kami cheishoh nak naw na hnim gui ci, cun ung phi nang naw na nam geinsei gui ci.

Gade chapit la Kopi




SAM 65:3
21 Referans Kwoze  

Ka shetkat nak ah tui naw na k’plüm ne, kä näng vai ah phuih gih ci nei.


Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.


O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.


A i ah kya sei ciung Hnicim chang ah ng’yak hlü cu Mumcha ah ng’yak hlü awn hnu ng’tuk ci, Mumcha ah ng’yak hlü cun phi hnicim chang ah ng’yak hlü awn hnu ng’tuk ci. Shin ah hnih goi cu ng’gaa na tuk ci goi. Cun ah kyasei nangmi cu nami mät ah ng’yak hlü ah kä nami bi hlawt ci.


Ani naw vi ciaa meicak awn ka m’nei na tawk neta, shin naw na m’nei ning tawk pyi ci, tuhbäi na katnak maih pyi ci, na katnak gui cu ning m’geinsei pyi nei.”


Kei cu kä khei tai vai ah da ciah khüikha nak naw na k’cung ci nei. Ka katnak gui naw na pha sei a i kä ka hmu ba ci nei; ka katnak gui cu ka lu ung lumu ah phi da pi ci nei; kei ah ka thagui cu maih ci nei.


bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;


Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.


A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”


Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.


Bawipa naw ani cu pyen nak ci, “Kei naw nang ah taigü ka ng’yak ci. Ngawi yä kei na khawihnah nak vai ah nang naw na cawh ah shin ah Taigüim cu kei naw ka k’bäi ci. Kei naw shin cu a khokphlüt ung ngäng ne ka shungvong khai.


Isaiah naw ghangpughang Hezekiah am ng’thu a pyen nak ghangpughang ah taigü nak ung gawk lawk ci cu,


Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.


Cha thai pawi püng la kyih nak hnüüp päng ung, pakhui päng ung ka chang gui cu shinung Jerusalem ah law ne, na khawihnah lawk khai gui,” cine Bawipa naw pyen ci!


Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.


Swiv nou:

Piblisite


Piblisite