SAM 64:9 - Cho Bible Common Language 2016

⁹ Ngami ami van kyihkyawk khai gui; Ngami naw Khanpughi ah bi lawh cu ngai neta, ani ah hnün thawh ah mawng cu pyen khai gui.

SAM 64:9 Referans Kwoze

JEREMIAH 51:10

Bawipa naw pyen ci, “Ka chang gui m’lau ci gui, ‘Mikmi ming’düng ciah Bawipa naw m’dang ci nei, Mikmi mi hteit ne Bawipa mi khanpughi naw abi cu Jerusalem chang gui am mi m’thein gui khai nei.”

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

SAM 40:3

Ng’äi thai kam cu vai ah ani naw na m’thei ci, mi Khanpughi m’taam nak ah ng’äi ah kyak ci. Shin hmuk ciah chang akda cu hmat law u ne kyikyawk neta, ngami cu Bawipa ung ng’ap khai gi nei.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

SAM 58:11

Chang gui naw, “Düng ci gui naw m’cümhnah akcang gah ci gui; m’dek khan m’khoi m’chak ciah Khanpughi cu akcang ah om ci nei” cik khai gui.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

EZEKIEL 14:23

Cun kawn ah nang naw, kei naw ka bi nü cu amawng akni ah kyak ci, cicu nah mat khai nei.” Uktu Bawipa naw a pyen nei.

SAM 119:20

Ka ngäng nak ka m’lung na pyi ci nei, Na m’khoi m’cha nak cu ak phlüt ah ka hmat hlük ci nei.

SAM 53:5

Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.

SAM 59:13

Na m’lung she nak awn m’di gui ä, ami van m’di gui ä. Cun ung Khanpughi naw, Israel kho a uk la, khomdek khan van m’shawng ne a uk cu hmat khai gui nei.

SAM 140:10

Ngami cu mei k’cak naw kyak gui sä; Ngami cu khui m’gawng ung zu chah gui u sä, kä lut en law ba hlawt u sä.