SAM 64:8 - Cho Bible Common Language 2016

⁸ A cun ah thu gui ah hmawk ah ani naw m’di gui khai; Ngami hmu gui ci phung naw ami lu thüng khai gui.

SAM 64:8 Referans Kwoze

NG'THU K'THUUK~ 18:7

Chang gu ang cu ang thu tu ung amat ah di nak vai ah ng’thu ci, Ani cu amat ah ng’thu ah cuun naw pha ba ci.

NG'THU K'THUUK~ 12:13

Chang shekha cu amät ah ng’thu naw mät pha ba ci. Cun ung phi düng ciah chang cu khüikha nak phyawn nak ci.

SAM 140:9

Ka ga gui cu kä näng sak en gui ä; kei ah khan ah akshe ami bi cu ami mät ah khan ah kya ba sä.

LUKA 19:22

Ghangpughang naw, “Nang changshe, namät ah ng’thu awn ka ning m’khoi m’chak khai. Kei cu nget ne kä ka kaa phi ka lak ah mawng, kä ka geit phi ka khäm ah mawng, cu hmat lang ne,

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

NAHUM 3:7

Ning hmuk ci gui phung Ng’thüng ne ng’hlat khai gui. Ngami naw Nineveh cu “Di ne ng’yän pyi ci nei” Cik khai gui. Ani m’gein khai a u om khai ang? Ani m’htei khai a u om khai ang?

JEREMIAH 48:27

Moab, nang naw Israel chang gi a i hawkcha na m’lepse nak gui cu shüm ba ä? Gut tep ciah m’guk ei m’bum gui ami pha gui awn m’täng ne na om püi gui ci nei.

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

SAM 31:11

Ka gaa gui avan la aktungpi ah ka im ng’gi gui naw na yawshe nak ci gui, kei na hmat ci gui naw na kyih ci gui; Lam ung kei ami na hmuh ung dawng ci gui.

SAM 22:7

Na hmuk ciah chang phung naw na gaih tu u ne, ami m’lei m’teh ne, ami lu tum ci gui.

JOB 15:6

Nang cu kei naw ka ning m’kyuk vai kä hlü ci nei, na mät ah na ng’thu päng naw na mät cu ning m’kyuk ci nei.

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

THU PHLAAN 18:4

Cun kawn ah khanmawpi ah kaa k’aw a hei cu ka ng’ya ba ci. Cun ah k’aw naw; “Lut law ba vä! Kei ah chang gui, Ani ungka lut law ba vä! Ani awn a täng ah kä nami cheishoh tu vai, Ani awn a täng ah m’shetkat nak kä nami gah tu-en vai!

SAM 59:12

Ami m’gawng ung katnak om ci, ami thu avan cheishoh ci, ami chang om nak naw pha gui sä, a i ah kyasei ci ung ngami cu ng’plah täng hleei hlak ci gui.

SAM 52:6

Düng ciah chang gui naw cun cu m’hmuh u ne ta, kyik khai gui; Ngami naw nang cu ning gaih tu u ne ta,

SAM 9:3

Nang na dang ung ka ga gui ng’hlat ci gui; ngami cu zu ng’kia ne sik ci gui.

KHEI NAK 16:34

A cun ung om ciah Israel chang gui ami van cu, a cun gui ah kyah m’lau ng’ya u neta, dawng ci gui. Ngami cu “Dawng vä! Mikmi phi m’dek naw na m’yaw law tu gui khai nei!” cine m’lau ci gui.

SAM 144:6

Kho lailäp ne ng’hmum kyeek sak ne, na ga gui cu püi sak gui ä; Na m’la awn kap ne dawng sak gui ä.