SAM 64:6 - Cho Bible Common Language 2016

⁶ Ngami naw akshe pawng püi u neta, “Keimi naw kümbe ciah cheishoh nak kami pawng püi ci,” cik ci gui. Chang ah m’lung la ngaih cu thuk aih ci nei.

SAM 64:6 Referans Kwoze

MATTHE 26:59

Taigüpa gui la kawngsi ng’vai gui naw Bawipa Jesuh ngawn nak hning vai ah käng düng ciah saksi cu shui ci gui.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

ISAIAH 29:15

Bi vai ami k’bäi Bawipa ah ma ah m’zih vai ah k’tha nak ci gui cu ng’ziin nak gah ci gui! Ngami naw ami k’bäi cu adüm ah bi neta, a u naw kä hmu gui khai abi cu a u naw bi u neta, a u naw kä hmu gui khai abi cu a u naw hmat gui khai ah ngai ci gui.

NG'THU K'THUUK~ 20:5

Chang tumat ah ngaih tuh cu thuuk ciah tuishawk ung tui ah maih ah kyak ci. Cun ung phi akyong ah om ci naw than hning khai nei.

SAM 35:11

Changshe gui naw na hnu ng’tuk püi u ne, kä ka hmat ah a mawng ama nak bün ci gui nei.

1 SAMUEL 25:10

Nabala naw ak mü ah, “David? Ani a u ang? Ani ah mawng kä ka ng’ya man ci! Shin ah khaw cu tuhchü ung changshäm dawng ci gui awn be ci nei.

1 SAMUEL 24:9

ani naw, “Kei naw ka ning bi vai ah ka tha nak ciah chang gui ah pyen cu a i ah kyasei na ngaih ang?

SAM 49:11

Ami ng’cim hmun cu angtäi sei ami im ah kyak ci; A cun ung angtäi ah om ci gui, cun ung phi ami kho man cu ami ka ah kyak ci.

1 SAMUEL 22:9

Doeg cu Saul ah bawi gui awn a täng ah ng’düi u neta, “Nob ah Ahitub ah hta Ahimelek ah a hteh yah ung David cu ka hmuk ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

ATÜNNAK 39:15

Cun ah m’lau ngäta, kei ah pei ah a sui nawng shut ne lut law ne dawng ci nei cik ci.

SAM 10:11

Changshe naw amät ng’htau pyi ne, “Khanpughi naw a i ah kä na sui ci! Amik m’shing ne, kei cu kä na hmuk ci!” cik ci gui.