SAM 60:6 - Cho Bible Common Language 2016

⁶ A theing ciim hmun ung om neta Khanpughi naw, “Nängnak awn Shekhem cu ka k’bo khai, Sukkoth kho ng’nawi cu ka chang gui awn ka pe gui khai.

SAM 60:6 Referans Kwoze

JOSHUA 13:27

Jordan khaw nawi ung Beth Haram, Bethnimrah, Sukkoth, la Zaphon, pawih ba ciah Heshbon ghangpughang Sihon ah uknak khaw avan. Akhei täng ung ami khawgii cu Jordan tuinu ah kia ne, a siiptäng ah Kalile tuili ung khüt ci.

ATÜNNAK 12:6

Shekhem hmun theing, Moreh sing ghing aktheing ah kung ah gawk ne hteit ci gui. (Cun sang ung cun ah khaw ah Kanaan chang gui om yah ci gui.)

SAM 89:35

“Hnü ät ang bäng ge ah ka ming Theing awn shai ka taak cu: “Kei naw David cu kä ka m’hleei phung khai.”

AMOS 4:2

Uktu Bawipa cu theingciim ci kya ne, ani ah shaitak cu, “Nga m’kaih awn kaih ne ami ning ghawh nak gui vai ah hnüüp gawk lawk khai, nami chang sing cu nga ah mäih ah nga m’kaih ung nami ng’bat khai.

SAM 119:162

Na shaitak ah hmawk ah ka yei aih ci, cun cu mangnak vai khawh ng’peeih hmuk ciah yei ah mäih ah kyak ci.

SAM 56:4

Kei cu Khanpughi ngaih u ne, kä ka kyik ci; A shaitak ah hmawk ah ka m’taam ci. Hniciim chang naw kei cu a i ah na ci hlawt khai aw?

JOSHUA 17:7

Manasseh ah khopäng cu Asher ungka naw Shekhem ah akiang Michethath ung khüt ci. Khawgii cu htumtäng ung hteit ne, Entappuah chang gui yukhäm ci.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

JEREMIAH 23:9

Ka m’lung cu ng’deeng ci, kei cu ka ng’thüng ci nei. Bawipa ah a phäh ah, ang thu theing gui ah phäh ah, sapyit tui akda aw aih ne, awktat ciah chang ah mäih ah ka kyak ci nei.

SAM 132:11

Nang naw David ung bä ciah shaitak na bik ci cun ah shaitak cu nang naw kä na la ba khai: “Kei naw na hta gui ungka tumat cu ghangpughang ah ka hmoh khai, Nang ah kawn ah ani naw uk khai.

SAM 89:19

Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.

2 SAMUEL 3:18

Tuhbäi, shin cu nangmi ah hmawk ah kyak ci. Bawipa ah ng’thu pyen cu nami shüm ba vai ‘Kei naw ka chang David cu, ka chang Israel gui Philistin gui la a hei ga avan ah kut ungka gung gui khai ah ka mang khai nei” cik ci.

JOSHUA 24:32

Joshua ah a pumsa, Israel chang gui naw Egypt ah ka ami law püi ba cu, Shekhem ung phuh ci gui. Cun cu Jakob naw Shekhem ah pa, Hamora ah hta gui ah a hleih ah khawbung ah vang ah kyak ci, ngui phia awn a hleih ah kyak ci. Cun ah khaw cu Joseph ah htangshon gui naw khui m’düng ci gui.

JOSHUA 24:1

Joshua naw Israel pakhui avan cu Shekhem ung k’bum gui ci. A ni naw Israel gui ah ami gham hta gi, angvai gui, suki gui la bawi gui cu khü gui sei, ngami cu Khanpughi ah om nak ung hteit ci gui.

JOSHUA 20:7

Cun ah kyasei Jordan ah akhei täng, Kalile khaw, Naphtali khawgui ung Kedesh; Ephraim khawgui ung Shechem; Judah khawgui ung Hebron gui cu ghü ci gui.